ភ្នំពេញ ៖ នៅថ្ងៃទី១០-១២ខែឧសភា ឆ្នាំ២០១៩ខាងមុខនេះ នឹងមាការរៀបចំតាំងពិព័រណ៍ពាណិជ្ជកម្មអន្តរជាតិចម្រុះកម្ពុជា-ចិន ដែលត្រៀមធ្វើឡើងនៅមជ្ឈមណ្ឌលកោះពេជ្រ។ ពិព័រណ៍នេះគឺរៀបចំដោយក្រុមហ៊ុនពិព័រណ៍អន្តរជាតិ វ៉ាងនីគ្រុប និងមានដៃគូសហការ ឧបត្ថម្ភ ជាលើកទី២ ដោយសមាគមអភិវឌ្ឍន៍ពាណិជ្ជកម្ម ហ៊ូណាននៅកម្ពុជា , គេហទំព័រអចលនទ្រព្យ និងមជ្ឈមណ្ឌលផ្សព្វផ្សាយ វិទ្យុអារ៉ាប់ប៉េកាំង។
ចំពោះគោលបំណងដែលនាំឲ្យកម្ពុជា-ចិនរៀបចំពិធីពិព័រណ៍ពាណិជ្ជកម្មអន្តរជាតិចម្រុះនេះឡើងគឺដើម្បីពង្រឹងកិច្ចសហប្រតិបត្តិការអន្តរជាតិ ពង្រីកឥទ្ធិពល នៃផលិតផលម៉ាកយីហោរបស់ចិននៅកម្ពុជា និងអាស៊ីអាគ្នេយ៍។ ម្យ៉ាងវិញទៀតកម្ពុជានឹងក្លាយទៅជាមជ្ឈមណ្ឌលកណ្តាល សម្រាប់ចិន ក្នុងការប្រមូលផ្តុំឱកាសពាណិជ្ជកម្មដ៏ធំ នៅក្នុង ពាណិជ្ជកម្ម រវាងអាស៊ី និងប៉ាស៊ីហ្វិក និងដើម្បីឆ្លើយតបយ៉ាងសកម្មទៅនឹងការអភិវឌ្ឍគោលនយោបាយ “ខ្សែក្រវាត់មួយវិថីមួយ”។
មិនតែប៉ុណ្ណោះក៏ដើម្បីការជំរុញគោលដៅអភិវឌ្ឍន៍លើ “ចង្វាក់ផលិតកម្មសារពើភណ្ឌ អភិវឌ្ឍន៍ទីផ្សារ សេដ្ឋកិច្ច តំបន់អាស៊ីអាគ្នេយ៍” ជំរុញសេដ្ឋកិច្ចពាណិជ្ជកម្មក្នុងតំបន់និងស្របពេលដើម្បីផ្លាស់ប្តូរនូវទម្រង់សេដ្ឋកិច្ចពិតៗទៅជាលក្ខណៈច្នៃប្រឌិត និងទំនើប ប្រែក្លាយផលិតផលដែលលើសលប់ទៅជាធនធានដែលកម្រ សម្រេចបាន នូវការសហការ និងផ្លាស់ប្តូរលើ ការផលិតទំនិញនិងតម្រូវការ។
ពិព័រណ៍ពាណិជ្ជកម្មអន្តរជាតិចម្រុះកម្ពុជា-ចិន នេះ រួមមាន ៖ តំបន់ពិព័រណ៍ផលិតផលទេសចរណ៍ , តំបន់ពិព័រណ៍ ផលិតផលឧស្សាហកម្ម , តំបន់ពិព័រណ៍ផលិត ផលកសិកម្មនិងសុខភាព , តំបន់ពិព័រណ៍ផលិត ផលសំលៀកបំពាក់ , ស្បែកជើង , មួក , តំបន់ពិព័រណ៍ផលិតផលអាហារ , តំបន់ពិព័រណ៍ផលិតផលគ្រឿងក្រអូប , តំបន់ពិព័រណ៍ ផលិតផល ឡានម៉ូតូ, តំបន់ពិព័រណ៍ផលិតផលផ្នែកសំណង់ , តំបន់ពិព័រណ៍ផលិតផល គ្រឿងអេឡិចត្រូនិច , តំបន់ពិព័រណ៍ ផលិតផល សំណង់អគារ , តំបន់ពិព័រណ៍ផលិតផលទូរគមនាគមន៍។
សូមជម្រាបថា ពិព័រណ៍ពាណិជ្ជកម្មអន្តរជាតិចម្រុះកម្ពុជា-ចិនក្នុងន័យលើកកម្ពស់ពាណិជ្ជកម្ម រវាងអាស៊ី និងប៉ាស៊ីហ្វិក និង ដើម្បី ឆ្លើយតបយ៉ាងសកម្មនូវយុទ្ធសាស្ត្រ “ខ្សែក្រវាត់មួយ វិថីមួយ” ដែលជាយុទ្ធសាស្ត្រជំរុញគោលដៅអភិវឌ្ឍន៍នៃ “ សមត្ថភាពផលិតកម្មកាត់បន្ថយសារពើភ័ណ្ឌ និងការអភិវឌ្ឍនៃរង្វង់សេដ្ឋកិច្ច អាស៊ី និងប៉ាស៊ីហ្វិក” ហើយពិព័រណ៍អន្តរជាតិ នេះមានការចូលរួមពី នាយកដ្ឋានពាណិជ្ជកម្ម ប្រចាំស្ថានទូតចិននៅកម្ពុជា ក្រសួងពាណិជ្ជកម្មកម្ពុជា៕
Source: Kampuchea Thmey Daily
0 Comments