ភ្នំពេញ ៖ ក្នុងពេលដែលលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយ រដ្ឋសភា-ព្រឹទ្ធសភា និងអធិការកិច្ច បានអនុញ្ញាតិទទួល ជួបជាមួយគណៈប្រតិភូខេត្តឡៅនិញ ដែល ដឹកនាំដោយ លោកឈីវ ហ្វាចេន លេខាបក្សកុម្មុយនីសខេត្តឡាវនីញ នៃសាធារណរដ្ឋប្រជាមានិតចិន កាលពីព្រឹកថ្ងៃទី២៦ មេសា ឆ្នាំ២០១៩ នៅសណ្ឋាគារ Sofitel រាជធានីភ្នំពេញ។
លោកឈីន ហ្វាចេនក៏បាន ថ្លែងអំណរគុណចំពោះកម្ពុជា ដែលបានគាំទ្រឲ្យខេត្តឡាវនីញ និងខេត្តព្រះសីហនុ ដើម្បីចងសម្ព័ន្ធមេត្រីភាពនឹងគ្នា គ្រាដែលខេត្តទាំងពីរកំពុងបង្កើតឲ្យមានតំបន់សេដ្ឋកិច្ចពិសេសនៅទីនោះ។ ប៉ុន្តែទោះបីជាយ៉ាងណាក្តី លោកជំទាវ កិត្តិសង្គហបណ្ឌិតម៉ែន សំអន បានសំណូមពរឲ្យ លោកឈីន ហ្វាចេន បន្តជួយឧបត្ថម្ភគាំទ្របន្ថែមទៀត លើវិស័យអប់រំ និងវិស័យសុខាភិបាល ជាពិសេសសូមជួយខេត្តស្វាយរៀង ដើម្បីចូលរួមជាមួយ រាជរដ្ឋាភិបាលកម្ពុជាក្នុងការអភិវឌ្ឍន៍ព្រះរាជាណាចក្រកម្ពុជា។
លោកជំទាវ កិត្តិសង្គហបណ្ឌិតម៉ែន សំអន បានស្វាគមន៍ ចំពោះ គណៈប្រតិភូខេត្តឡាវនីញ ដែលបានមកបំពេញ ទស្សនកិច្ចនៅព្រះរាជាណាចក្រកម្ពុជា ស្របពេលដែល សម្តេចតេជោ ហ៊ុន សែន នាយករដ្ឋមន្ត្រីបាននឹងកំពុងចូលរួមកិច្ចប្រជុំ ផ្លូវ១ ខ្សែក្រវាត់១ ដែលមានសមាជិកចូលរួមជាង១០០ប្រទេស នៅទីក្រុងប៉េកាំង ប្រទេសចិន។
លោកជំទាវកិត្តិសង្គហបណ្ឌិតឧបនាយករដ្ឋមន្ត្រី បានថ្លែងអំណរគុណដល់ លោកស៊ី ជីនពីង ក៏ដូចជាលោកគណៈប្រតិភូនា ពេលនេះ ដែលដែលបានចូលរួមចំណែកយ៉ាងសំខាន់ តាមរយៈ ការបញ្ជូនអ្នក វិនិយោគិនល្អៗរបស់ប្រទេស ចិនមកកាន់ព្រះរាជាណាចក្រកម្ពុជា។
លោកឈីវ ហ្វាចេន បានអរគុណដល់រាជរដ្ឋាភិបាលកម្ពុជា ដែលបានផ្តល់ឱកាសដល់អ្នកវិនិយោគទុនចិន បានមកបណ្តាក់ទុនរកស៊ីនៅកម្ពុជា ហើយម្យ៉ាងទៀតការវិនិយោគរបស់ខេត្តឡៅនីញនាពេលនេះ ក៏បានបង្កើតឱកាសការងារយ៉ាងច្រើនជូនបងប្អូនប្រជាពលរដ្ឋនៅខេត្តព្រះសីហនុ ជាច្រើនទៀត៕
Source: Kampuchea Thmey Daily
0 Comments