ភ្នំពេញ ៖ នៅវេលាម៉ោង៨និង៣០នាទី ព្រឹកថ្ងៃទី២៦ ខែមេសា ឆ្នាំ២០១៩នេះ អគ្គនគរបាលជាតិ បានបើកកិច្ចប្រជុំផ្សព្វផ្សាយសេចក្ដីណែនាំរួម ស្ដីពីសកម្មភាព និងការរៀបចំភ្នាក់ងារសន្តិសុខបោះឆ្នោត ការពារការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ អាណត្តិទី៣ និងការពិនិត្យបញ្ជីឈ្មោះការចុះឈ្មោះបោះឆ្នោតឆ្នាំ២០១៩។
កិច្ចប្រជុំនេះធ្វើឡើងក្រោមអធិបតីភាព ឯកឧត្ដម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ឯកឧត្ដម នាយឧត្ដមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស លោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត (គ.ជ.ប) និងមានការចូលរួមពីស្ថាប័នពាក់ព័ន្ធជាច្រើន ដូចជា នគរបាល កងរាជអាវុធហត្ថ កងយោធពលខេមរភូមិន្ទ តំណាងគណបក្សនយោបាយ សង្គមស៊ីវិល និងអ្នកសារព័ត៌មានយ៉ាងច្រើន៕
Source: Kampuchea Thmey Daily
0 Comments