ក្រុមប្រធានការប្រណាំងរថយន្ត Dakar Rally បាននិយាយការពារដល់ការសម្រេចចិត្តក្នុងការរៀបចំព្រឹត្តិការណ៍ប្រណាំងរថយន្តធំបំផុតនៅលើពិភពលោកមួយនេះ នៅក្នុងប្រទេសអារ៉ាប៊ីសាអូឌីត ថ្វីត្បិតតែមានកំណត់ត្រាសិទ្ធមនុស្សជម្លោះនៅក្នុងរាជាណាចក្រមួយនេះក៏ដោយ ដោយពួកគេអះអាងថា មាននូវ “បំណងពិតប្រាកដមួយសម្រាប់ការបើកទូលាយចិត្ត”។
អារ៉ាប៊ីសាអូឌីត នឹងធ្វើម្ចាស់ព្រឹត្តិការណ៍ប្រណាំងរថយន្ត Dakar ចាប់ពីឆ្នាំ២០២០តទៅ នៅក្នុងកិច្ចព្រមព្រៀងរយៈពេល៥ឆ្នាំ ជាមួយនឹងការដណ្តើមបានព្រឹត្តិការណ៍មួយនេះ ពីអាមេរិកខាងត្បូង ជាកន្លែងដែលធ្លាប់រៀបចំព្រឹត្តការណ៍មួយនេះ អស់រយៈពេល១១ឆ្នាំមកហើយ។
នៅមុនពេលនោះ ព្រឹត្តការណ៍ Dakar Rally បានរៀបចំឡើងនៅអាហ្វ្រិកអស់រយៈពេល២៩ឆ្នាំ រហូតមកដល់ឆ្នាំ២០០៧ ពេលដែលដែលស្ថានភាពសន្តិសុខកាន់តែធ្ងន់ធ្ងរទៅនៅក្នុងប្រទេសមួយនេះ។
ទោះបីជាយ៉ាងណាក៏ដោយ នៅក្នុងសប្តាហ៍ដែលអារ៉ាប៊ីសាអូឌីត ត្រូវបានគេថ្កោលទោសសម្រាប់ការប្រហារជីវិតមនុស្ស៣៧នាក់នោះ ក្រុមអ្នករៀបចំការប្រណាំងរថយន្ត Dakar បាននិយាយយ៉ាងទទូចថា ពួកគេបានសួរខ្លួនឯងនូវសំនួរសំខាន់ៗជាច្រើនចំពោះកំណត់ត្រាសិទ្ធិមនុស្សនៅក្នុងប្រទេសមួយនេះ ពាក់ព័ន្ធនឹងការជំទាស់ផ្ទៃក្នុង ក៏ដូចជាការធ្វើសង្គ្រាមរបស់ពួកគេនៅក្នុងប្រទេសជិតខាង យេម៉ែន។
លោក David Castera គឺជាប្រធានក្រុមប្រណាំងរថយន្ត Dakar Rally បាននិយាយថា យើងបានតដៃរបស់យើងរួចហើយ។
ដោយឡែក ព្រះអង្គម្ចាស់ Abdulaziz bin Turki Al Faisal Al Saud ដែលជាប្រធានក្រុមអាជ្ញាធរកីឡាអារ៉ាប៊ីសាអូឌីត បានមានបន្ទូលថា ថ្ងៃនេះចាប់ផ្តើមជាមួយជំពូកថ្មីនៅការប្រណាំងរថយន្ត ក្នុងតំបន់មជ្ឈិមបូព៌ា៕
Source: Kampuchea Thmey Daily
0 Comments