កោះកុង ៖ យ៉ាងហោចណាស់ក៏មានមនុស្សប្រុសស្រីចំនួន៦នាក់ បានរងរបួសស្រាល និងធ្ងន់ ក្នុងហេតុការណ៍គ្រោះថ្នាក់ចរាចរកាលពីវេលាម៉ោង៨និង១៩នាទី ព្រឹក នាថ្ងៃទី៩ ខែមេសា ឆ្នាំ២០១៩ លើផ្លូវជាតិលេខ៤៨ ចន្លោះបង្គោលគីឡូម៉ែត្រលេខ៥៤.៥៥ ស្ថិតក្នុងភូមិជីមាល ឃុំអណ្ដូងទឹក ស្រុកបទុមសាគរ ខេត្តកោះកុង។
បើតាមការលើកឡើងពីសមត្ថកិច្ចថា គ្រោះថ្នាក់ចរាចរណ៍នេះ បង្កឡើងដោយរថយន្តម៉ាក HIGHLANDER ពណ៌ទឹកប្រាក់ ពាក់ស្លាកលេខភ្នំពេញ 2AG.2124 ធ្វើដំណើរពីភ្នំពេញ ឆ្ពោះទៅកោះស្ដេច បើកបរដោយឈ្មោះឡុ សុភាព ភេទប្រុសអាយុ ៤០ ឆ្នាំ រស់នៅក្នុងភូមិ ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដោយដឹកអ្នកដំណើរចំនួន ៥ នាក់ លុះមកដល់ចំណុចកើតហេតុខាងលើរថយន្ដក៏បានបែកកង់ក្រោយ ខាងស្តាំ បណ្ដាលឱ្យក្រឡាប់ធ្លាក់ចិញ្ចើមផ្លូវដោយខ្លួនឯងតែម្ដង។
សមត្ថកិច្ចឲ្យដឹងទៀតថា ក្នុងករណីក្រឡាប់រថយន្តខាងលើបណ្ដាលឲ្យមនុស្សប្រុសស្រីចំនួន ៤ នាក់បានរងរបួស ក្នុងនោះរបួសធ្ងន់ ២ នាក់ប្រុសម្នាក់ស្រីម្នាក់។
ក្រោយកើតហេតុ សមត្ថកិច្ចបានបញ្ជូនជនរងគ្រោះទៅកាន់មណ្ឌលសុខភាពឃុំអណ្ដូងទឹកដើម្បីព្យាបាល៕
Source: Kampuchea Thmey Daily
0 Comments