កីឡាការិនីលំដាប់ថ្នាក់លេខ១ពិភពលោក Naomi Osaka បានចាប់ផ្តើមយុទ្ធនាការរបស់នាងជាមួយនឹងជ័យជំនះលើកីឡាការិនីតៃវ៉ាន់ Hsieh Su-wei ក្នុងលទ្ធផលពិន្ទុ6-4 6-3 ដើម្បីឡើងទៅវគ្គ១ភាគ៣ផ្តាច់ព្រ័ត្រ Porsche Tennis Grand Prix ។
ជើងឯក Grand Slam២ជំនាន់ម្នាក់នេះ ដែលមិនធ្លាប់ដែលឈ្នះជើងឯកនៅលើទីលានដីក្រហមនោះ មិនសូវជាប្រើកម្លាំងច្រើនប៉ុន្មានទេ ពេលដែលនាងសងសឹកបានសម្រេចបរាជ័យរបស់នាង ជាមួយកីឡាការិនី Hsieh នៅ Miami កាលពីខែមុន។ ការទម្លុះការបម្រើ ល្មមគ្រប់គ្រាន់សម្រាប់កីឡាការិនី Osaka ដើម្បីឈ្នះការប្រកួតក្នុងសិតទី១ ។
ជ័យជំនះនេះដែរ មានន័យថា នាងនឹងបន្តក្តោបក្តាប់តំណែងលេខ១ពិភពលោករបស់នាងតទៅទៀត ក្រោយការប្រកួតក្នុងសប្តាហ៍នេះ។
កីឡាការិនី Osaka នឹងត្រូវប៉ះជាមួយកីឡាការិនីក្រូអាត Donna Vekic ដេលបានឈ្នះកីឡាការិនី Daria Kasatkina ក្នុងលទ្ធផលពិន្ទុ6-1 7-5។
ខណៈនោះដែរ អតីតកីឡាការិនីលេខ១ពិភពលោក Victoria Azarenka មកពីប្រទេសបេឡារុស នឹងត្រូវប៉ះជាមួយកីឡាការិនីលេខ៤ពិភពលោក និងជាកីឡាការិនីឡើងការពារជើងឯក Karolina Pliskova សម្រាប់កៅអីលេងរបស់ពួកគេនៅវគ្គ១ភាគ៤ផ្តាច់ព្រ័ត្រ៕
Source: Kampuchea Thmey Daily
0 Comments