រតនគិរី ៖ បុរសវ័យចំណាស់ម្នាក់ បានសម្រេចចិត្តបញ្ចប់ជីវិត ដោយផឹកថ្នាំកណ្តុរសម្លាប់ខ្លួនឯង ដោយមិនបានដឹងអំពីមូលហេតុ។
ករណីធ្វើអត្តឃាតខ្លួនឯងនេះ បានកើតឡើងកាលពីវេលាម៉ោង១១និង២០នាទីយប់រំលងអធ្រាត្រ ថ្ងៃអាទិត្យ ២កើត ខែពិសាខ ឆ្នាំកុរ សំរឹទ្ធិស័ក ព.ស២៥៦២ ត្រូវនឹងថ្ងៃទី៥ ខែឧសភា ឆ្នាំ២០១៩ កន្លងទៅ ត្រង់ចំណុចខាងក្រោយភូមិក្បែរមាត់អូរការតិច ស្ថិតនៅក្នុងភូមិឡាអិនចម្ការ ឃុំតឺន ស្រុកកូនមុំ។
មន្ត្រីនគរបាលប៉ុស្តិ៍បានឲ្យដឹងថា ជនរងគ្រោះ ឈ្មោះ នី ហ៊ាន ភេទប្រុស អាយុ៤៨ឆ្នាំ ជនជាតិខ្មែរ រស់នៅភូមិ/ឃុំកើតហេតុខាងលើ។
ក្រោយកើតហេតុ កម្លាំងប៉ុស្តិ៍ និង កម្លាំងជំនាញ អធិការស្រុកបានចុះមកត្រួតពិនិត្យសាកសពឃើញថា នៅក្បែរកន្លែងសាកសពមានថ្នាំកណ្តុរ ហើយមានលិចលាមក និងថ្នាំកណ្តុរជាប់ក្នុងមាត់។
ក្រោយពីការត្រួតពិនិត្យ និងសន្និដ្ឋានថា សពពិតជាស្លាប់ដោយផឹកថ្នាំកណ្តុរពិតប្រាកដមែន។
បន្ទាប់ពីបានត្រួតពិនិត្យចប់សព្វគ្រប់ហើយនោះ សមត្ថកិច្ចបានប្រគល់សពជូនទៅសាច់ញាតិដើម្បីយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments