រតនគិរី ៖ ម៉ូតូ២គ្រឿងបុកគ្នាក្នុងទិសដៅស្របគ្នាពីត្បូងទៅជើង បណ្តាលឲ្យរងរបួសធ្ងន់ស្រាល៣នាក់។
ករណីគ្រោះថ្នាក់ចរាចរណ៍ បានកើតឡើង កាលពីវេលាម៉ោង៤និង០០នាទីល្ងាច ថ្ងៃពុធ ១២រោច ខែចេត្រ ឆ្នាំកុរ សំរឹទ្ធិស័ក ព.ស២៥៦២ ត្រូវនិងថ្ងៃទី០១ ខែឧសភា ឆ្នាំ២០១៩ ស្ថិតនៅក្នុងភូមិថារ៉ងជង ឃុំអូរជុំ ស្រុកអូរជុំ ខេត្តរតនគិរី។
មន្ត្រីនគរបាលស្រុកអូរជុំបានឲ្យដឹងថា អ្នកបើកបរម៉ូតូជនរងគ្រោះឈ្មោះ នុច ព្រៀង ភេទស្រី អាយុ២៤ឆ្នាំ ជនជាតិគ្រឹង មុខរបរកសិករ មានទីលំនៅភូមិ/ឃុំកើតហេតុខាងលើ រងរបួសស្រាល។
២-អ្នករួមដំណើរឈ្មោះ ហ៊ីង យ៉ន ភេទស្រី អាយុ៣០ឆ្នាំ ជនជាតិគ្រឹង មុខរបរកសិករ មានទីលំនៅជាមួយគ្នា រងរបួសស្រាល។
អ្នកបើកបរម៉ូតូជនបង្កឈ្មោះ សេង ប៊ុន ភេទប្រុស អាយុ១៩ឆ្នាំ ជនជាតិព្រៅ មុខរបរកសិករ មានទីលំនៅភូមិតាវែង ឃុំតាវែង ស្រុកតាវែង ខេត្តរតនគិរី រងរបួសធ្ងន់បាក់ដងកាំបិតខាងឆ្វេងនិងបែកក្បាលខាងឆ្វេង។
ក្រោយកើតហេតុ ជនរងរបួសទាំង០៣នាក់ បានដឹកបញ្ជូនទៅព្យាបាលនៅមន្ទីរពេទ្យបង្អែកខេត្តផងដែរ។ មូលហេតុជនបង្កបើកបរខ្វះការប្រុងប្រយ័ត្ន ទើបបណ្តាលឲ្យបុកគ្នាតែម្តង។
បច្ចុប្បន្នម៉ូតូទាំងពីរគ្រឿងយកទៅរក្សាទុកនៅប៉ុស្តិ៍ ដើម្បីកម្លាំងជំនាញធ្វើការសម្របសម្រួលគ្នានៅពេលក្រោយ៕
Source: Kampuchea Thmey Daily
0 Comments