បាត់ដំបង ៖ ជនសង្ស័យម្នាក់ ដែលសមត្ថកិច្ចបានកំណត់ថា គឺជាមុខសញ្ញាចែកចាយថ្នាំញៀនយ៉ាងសកម្ម ត្រូវបានកម្លាំងជំនាញនៃអធិការដ្ឋាននគរបាលក្រុងបាត់ដំបង ធ្វើការឃាត់ខ្លួនខណៈដែលជនសង្ស័យរូបនេះ កំពុងធ្វើសកម្មភាពជាក់ស្តែង។
លោកអធិការ ឆាង វណ្ណឆៃ បានលើកឡើងថា កិច្ចប្រតិបត្តិការនេះ បានធ្វើឡើងកាលពី ថ្ងៃទី១ ខែឧសភា ឆ្នាំ២០១៩ វេលាម៉ោង ១១ និង ២០ នាទីថ្ងៃត្រង់ នៅចំណុច ក្រុមទី៦ ភូមិសាលាបាឡាត់ សង្កាត់អូរម៉ាល់ ក្រុងបាត់ដំបង ខេត្តបាត់ដំបង។
លោកអធិការបានបន្តថា នៅក្នុងកិច្ចប្រតិបត្តិការដែលអនុវត្តដោយកម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបងនោះ បានធ្វើការបង្ក្រាបទៅលើករណីជួញដូរគ្រឿងញៀនបាន ១ករណី ក្នុងបទល្មើសជាក់ស្ដែង ដោយបានឃាត់ខ្លួនជនសង្ស័យម្នាក់ ឈ្មោះ សុវណ្ណ កុម្ភ: ( ហៅ ខុង ) មានទីលំនៅត្រង់ចំណុចខាងលើ ព្រមទាំងបានដកហូតវត្ថុតាងរួមមាន :ថ្នាំញៀនប្រភេទ ម៉ាទឹកកកចំនួន ១៤ កូនថង់តូច ទូរស័ព្ទដៃ ១ គ្រឿង និងសម្ភារៈសម្រាប់រំលែកច្រកថ្នាំញៀនលក់ មួយចំនួនទៀត។
បច្ចុប្បន្នជនសង្ស័យរូបនេះ ត្រូវបានកម្លាំងសមត្ថកិច្ចរៀបចំបញ្ជូនទៅកាន់ការិយាល័យជំនាញនៃស្នងការដ្ឋាននគរបាលខេត្តហើយដើម្បីចាត់វិធានការតាមច្បាប់៕
Source: Kampuchea Thmey Daily
0 Comments