ព្រះសីហនុ ៖ ជនរងគ្រោះជាជនជាតិម្នាក់ ត្រូវបានអ្នកជិះឡានជាមួយគ្នា បើកការបាញ់ប្រហារចំក្បាលផ្នែកខាងក្រោយ បណ្ដាលឲ្យស្លាប់ភ្លាមៗនៅនឹងកន្លែងកើតហេតុ។
ហេតុការណ៍នេះ បានកើតឡើង នៅរសៀលថ្ងៃទី៦ ខែឧសភា ឆ្នាំ២០១៩ នៅតាមបណ្ដោយផ្លូវ ខាងមុខសណ្ឋាគារ និងកាស៊ីណូខ្សាច់ស ស្ថិតក្នុងភូមិ៤ សង្កាត់៤ ក្រុងព្រះសីហនុ។
តាមសេចក្ដីរាយការណ៍បានឲ្យដឹងថា មុនពេលកើតហេតុ គេឃើញជនរងគ្រោះ និងជនសង្ស័យជិះឡានជាមួយគ្នា លុះជិះមកចំណុចកើតហេតុមិនដឹងជាមានរឿងអ្វី ស្រាប់តែពួកគេចុះពីលើឡាន ហើយជនសង្ស័យ បានបើកការបាញ់ប្រហារទៅលើជនរងគ្រោះបណ្ដាលឲ្យស្លាប់នៅកណ្ដាលផ្លូវតែម្ដង។
បើតាមកាមេរ៉ាសុវត្ថិភាពរបស់សណ្ឋាគារ និងកាស៊ីណូខ្សាច់ស ឃើញថា ក្រោយកើតហេតុ ជនសង្ស័យ បានបើករថយន្តម៉ាកហាយឡែនឌ័រ2x-3970 តិចៗបន្តដំណើរទៅមុខទៀត(ផ្លូវស្ទះ) ដោយគ្មានអ្នកណាចុះទៅឃាត់ដំណើរឡើយ ព្រោះជនសង្ស័យមានកាំភ្លើង។
សេចក្ដីរាយការណ៍នៅមុននេះបន្តិចបញ្ជាក់ថា រថយន្តខាងលើ ត្រូវបានសមត្ថកិច្ចស្ទាក់ឃាត់បានហើយ ហើយព័ត៌មានយ៉ាងណានោះ យើងនឹងផ្សាយបន្តទៀត៕
Source: Kampuchea Thmey Daily
0 Comments