ប្រធានាធិបតីកូរ៉េខាងត្បូងលោកស្រីប៉ាក់ហ្កើនហ៊ី (Park Geun-Hye) បាននិយាយនៅថ្ងៃច័ន្ទថា លោកស្រីនឹងបើកកិច្ចប្រជុំកំពូលមួយជួបជាមួយមេដឹកនាំកូរ៉េខាងជើងលោកគីម ជុងអ៊ុន (Kim Jong Un) ដោយពុំមានលក្ខខ័ណ្ឌជាមួយណាមួយនិងទទូចដល់ក្រុងព្យុងយ៉ាងឲ្យវិលត្រឡប់ទៅរកការចរចាឲ្យបានរួសរាន់។
លោកស្រីប៉ាក់បាននិយាយប្រាប់សន្និសីទកាសែតតាមទូរទស្សន៍មួយថា ការបញ្ចប់មួយចំពោះកម្មវិធីនុយក្លេអ៊ែររបស់ប្រទេសកូរ៉េខាងជើង ត្រូវតែជាចំណែកដ៏សំខាន់មួយនៅក្នុងការចរចាដើម្បីសន្តិភាពនៅលើឧបទ្វីបកូរ៉េ ប៉ុន្តែថាមិនមែនជាលក្ខខ័ណ្ឌមុនមួយ ដើម្បីឲ្យមានការប្រជុំរបស់កិច្ចប្រជុំកំពូលនោះទេ។
លោកស្រី ប៉ាក់និយាយថា "ជំហររបស់ខ្ញុំគឺថា នឹងបន្ធូរបន្ថយភាពឈឺចាប់នៃការបែកបាក់គ្នានិងដើម្បីបំពេញការបង្រួបបង្រួម ដោយសន្តិវិធីខ្ញុំមានឆន្ទៈចង់ជួបជាមួយគេ"។
ពុំមានសញ្ញាណាមួយបង្ហាញឲ្យឃើញគម្រោងជាក់លាក់ណាមួយសម្រាប់ជំនួបរវាងមេដឹកនាំទាំងពីរទេ។ ប្រជាធិបតីកូរ៉េខាងជើងនិងប្រធានាធិបតីកូរ៉េខាងត្បូងបានជួបគ្នាតែពីរលើកប៉ុណ្ណោះ ចាប់តាំងពីឧបទ្វីបនេះ ត្រូវបានបែងចែកនៅចុងបញ្ចប់នៃសង្គ្រាមលោកលើកទីពីរមក៕
រឹទ្ធ
0 Comments