ប្រធានាធិបតីរបស់ប្រទេសនីហ្សេរីយ៉ាលោក ហ្កត់ ឡាក់ចូណាថាន់ (Good luck jonathan) បានប្តេជ្ញាថា នឹងយកឈ្នះក្រុមសកម្មប្រយុទ្ធបូកូហារ៉ាម ក្រោយពីមានការវាយប្រហារជាបន្តបន្ទាប់ទៅលើក្រុមនេះនៅក្នុងប៉ុន្មានសប្ដាហ៍ថ្មីៗនេះ។
នៅព្រឹកថ្ងៃព្រហស្បតិ៍មនុស្សយ៉ាងតិច១០នាក់ត្រូវរបួស ដោយសារបំផ្ទុះគ្រាប់បែកអត្តឃាតម្នាក់នៅជិតវិហារកាតូលិកមួយនៅហ្គមបេភាគឦសាន ប្រទេសនីហ្សេរីយ៉ា។
នៅថ្ងៃពុធមនុស្ស១១នាក់ត្រូវគេសម្លាប់នៅពេលគ្រាប់បែកមួយបានផ្ទុះនៅលើរថយន្តក្រុងមួយគ្រឿងដែលកំពុងធ្វើដំណើរពីហ្គមបេទៅកាន់រដ្ឋយូបេ ដែលនៅជិតខាងនោះ។
លោក ចូណាថាន់ និយាយថា ក្រុមនោះបានបង្កឲ្យមានភាពតានតឹងនៅក្នុងប្រទេស។ ពួកគេបានសម្លាប់ស៊ីវិលយ៉ាងតិច២០០០នាក់ នៅក្នុងឆ្នាំ២០១៤។
«យើងនឹងនាំពួកភេរវករដែលគេស្គាល់ថា ជាពួកបូកូហារ៉ាមមកកាន់តុលាការ។ ពួកគេនឹងត្រូវចាញ់»។
លោកចូណាថាន់ ដែលបានជាប់ឆ្នោតសាជាថ្មី នៅក្នុងខែកុម្ភៈនោះ បានធ្វើការសន្យាដូចគ្នាពីមុន ហើយបានប្រឈមមុខនឹងការរិះគន់ថា មិនបានបញ្ឈប់ពួកសកម្មប្រយុទ្ធទាំងនោះ។
នៅភាគឦសានប្រទេសនីហ្សេរីយ៉ា បានមើលឃើញការវាយប្រហារជាច្រើន ដែលគេបន្ទោសទៅលើក្រុមបូកូហារ៉ាម៕
រឹទ្ធ
0 Comments