រដ្ឋមន្ត្រីការបរទេសនៃអ៊ុយក្រែន រុស្ស៊ី អាល្លឺម៉ង់ និងបារាំង បានបញ្ចប់ការប្រជុំមួយនៅថ្ងៃច័ន្ទ ដោយពុំមានមិនអាចកំណត់កាលបរិច្ឆេទមួយសម្រាប់កិច្ចប្រជុំកំពូលសន្តិភាព ដែលគេសង្ឃឹមស្ដីពីការបញ្ចប់ជម្លោះអ៊ុយក្រែននោះ។
ប្រធានាធិបតីអ៊ុយក្រែនលោក ប៉េត្រូប៉ូរូសេនកូ (Petro Poroshenko) បាននិយាយនៅពេលថ្មីៗនេះថា លោកសង្ឃឹមថា ការប្រជុំរបស់មេដឹកនាំរបស់ប្រទេសទាំង៤អាចធ្វើនៅថ្ងៃព្រហស្បតិ៍ នៅក្នុងប្រទេសកាហ្សាក់ស្ថាន ដោយមានគោលដៅចុះហត្ថលេខាលើឯកសារសន្តិភាពមួយជាមួយប្រទេសរុស្ស៊ី។ ក៏ប៉ុន្តែរដ្ឋមន្ត្រីទាំង៤រូប គ្រានតែអាចបញ្ជាក់អះអាងពីការសន្យារឹងមាំរបស់គេចំពោះការផ្លាស់ប្ដូរមួយនិងដំណោះស្រាយដោយសន្តិវិធីទូលំលាយនៃវិបត្តិបច្ចុប្បន្នដែលក្នុងនោះរួមមានដំណើរការនយោបាយមួយផងដែរ។
គេបាននិយាយនៅក្នុងសេចក្ដីថ្លែងការណ៍រួមមួយ ក្រោយពីការចរចាប្រហែល៤ម៉ោងនៅក្រុងប៊ែរឡាំងមកថា "រដ្ឋមន្ត្រីទាំងនោះបានបញ្ជាក់អះអាងសាជាថ្មីថា មូលដ្ឋានសម្រាប់ដំណោះជម្លោះគឺកិច្ចព្រមព្រៀងក្រុងមិន្ស ដែលចាំបាច់ត្រូវអនុវត្តដោយគ្រប់ភាគីទាំងអស់នៅក្នុងអង្គភាពរបស់គេ"។
អធិការបតីអាល្លឺម៉ង់លោកស្រីអេនជឺឡាមឺកែល(Angela Merkel) កាលពីចុងសប្ដាហ៍បាននិយាយប្រាប់ប្រធានាធិបតីរុស្ស៊ីលោកវ្ល៉ាឌីមៀរពូទីន(Putin) និងលោកប៉ូរូសេនកូថា កិច្ចប្រជុំកំពូលសន្តិភាពឥតប្រសិទ្ធភាពទេ ដរាបណាបទឈប់បាញ់មិនត្រូវបានគេគោរពនោះហើយ ប្រទេសបារាំងបានសម្ដែងភាពអល់អែកដូចគ្នា៕
រឹទ្ធ
0 Comments