សៀមរាប ៖ អគារសិក្សាថ្មីនៃសាលាអន្តរជាតិ អ៊ិនធើណេសិនណល ស្គូល អហ្វ សៀមរាប របស់ឯកជនមួយកន្លែង ស្ថិតនៅក្នុងភូមិសាលាខៀវសង្កាត់សាលាកំរើកក្រុងខេត្តសៀមរាប ត្រូវបានបើកសម្ពោធទទួលសិស្សឲ្យចូលរៀនជាផ្លូវការកាលពីព្រឹកថ្ងៃទី០២ខែមករាឆ្នាំ២០១៥ ក្រោមអធិបតីភាពលោក នូ ផល្លា ប្រធានក្រុមប្រឹក្សាខេត្តសៀមរាប ។
តាមការបញ្ជាក់របស់លោកស្រី Mary Walker នាយិការទទួលបន្ទុកកម្មវិធីសិក្សាថ្នាក់ភាសាអង់គ្លេសនិង លោក Neville Turner នាយកទទួលបន្ទុករួម បានឲ្យដឹងថា ដើម្បីអនុវត្តឲ្យស្របតាមកម្មវិធីសិក្សាជាតិ របស់ប្រទេស អង់គ្លេស ចាប់ពីថ្នាក់កុមារដ្ឋានដល់វិទ្យាល័យ រួមមានកម្មវិធីសិក្សាលើផ្នែក គណិតវិទ្យា អក្សរសាស្ត្រ វិទ្យាសាស្ត្រ អប់រំ កាយ, ភាសាទំនើបកម្ម , គេហវិជ្ជា ,មេរៀនទាក់ទង និង ភូមិសាស្ត្រ ប្រវត្តិវិទ្យា និង សិល្បៈ ព្រមទាំងមានកម្មវិធីសិក្សាផ្គួបបញ្ចូលគ្នារវាងខេមរៈភាសានិងអង់គ្លេស ដោយសិស្សមានសិទ្ធប្រឡងថ្នាក់ជាតិមធ្យមសិក្សាចំណេះទូទៅខ្មែរ ដើម្បីទទួលបានវិញ្ញាបនបត្រទៀតផង។ ម្យ៉ាងទៀតសាលាអន្តរជាតិនេះ ដោយមានសាស្ត្រាចារ្យ និង គ្រូមកពី អ៊ឺរ៉ុប អាមេក និង ណូវែលសឺឡង់ ដែលស្ទាត់ជំនាញក្នុងភាសាអង់គ្លេស ដែលជាភាសាកំណើត ដោយមានលក្ខណៈសម្បត្តិគ្រប់គ្រាន់ទៀតផង។
មានប្រសាសន៍នោះលោក អ៊ុង សិរីឌី ប្រធានមន្ទីរអប់រំយុវជន និង កីឡាខេត្ត បានគូសបញ្ជាក់ថា ការងារអប់រំក្នុងប្រព័ន្ធនិងក្រៅប្រព័ន្ធបានធ្វើឲ្យការផលិតធនធានមនុស្សមូលធនមនុស្ស ដើម្បីឆ្លើយតបទៅនឹងតម្រូវការក្នុងទិសដៅអភិវឌ្ឍន៍សង្គមសេដ្ឋកិច្ចជាតិ សំខាន់នៅលើទឹកដីប្រវត្តិសាស្ត្រខេត្តសៀមរាប។ម្យ៉ាងទៀតសាលាអន្តរជាតិនេះក៏ជាការចូលរួម ឈានទៅសម្រេចភារកិច្ចទៅលើគោលដៅ របស់រាជរដ្ឋាភិបាលអាណត្តិទី៥ នៃ យុទ្ធសាស្ត្រចតុកោណ ដំណាក់កាលទី៣ លើការអប់រំសម្រាប់ទាំងអស់គ្នា ឆ្នាំ២០១៥ និង គោលដៅអភិវឌ្ឍសហវត្សឆ្នាំ២០១៥ និង សាកល ភាវូបនីយកម្ម និង ការធ្វើសមាហរណកម្មសហគមន័សេដ្ឋកិច្ចអាស៊ាននៅឆ្នាំ២០១៥នេះ។
មានប្រសាសន៍នោះលោក នូ ផល្លា ក្នុងនាមក្រុមប្រឹក្សា គណៈអភិបាលខេត្ត ក៏បានសម្តែងពីការចូលរួមរបស់ លោក Neville Turner ក្នុងការចូលរួមចំណែក នៃកិច្ចស្តារ និង អភិវឌ្ឍន៍វិស័យសិក្សាធិការអប់រំនៅកម្ពុជា ពិសេសនៅលើទឹកដីប្រវត្តិសាស្ត្រសៀមរាបអង្គរ។លោកបានបន្តទៀតថា ទាំងនេះក៏បានបញ្ជាក់ពីការផ្សារភ្ជាប់សេដ្ឋកិច្ចសង្គម ក្នុងការបម្រើសេវាសាធារណៈ និង ប្រសិទ្ធភាព គុណភាព ស្តង់ដាអប់រំ ដែលអាចទទួលយកបានក្នុងស្ថានភាព នៃការ រីកចម្រើនរបស់ពិភពលោក លើយន្តការភពផែនដីមួយ។
លោក នូ ផល្លា ក៏បានគូសបញ្ជាក់ថា ទាំងនេះក៏សបញ្ជាក់ពី ភាពដឹកនាំដ៏ឈ្លាសវៃរបស់សម្តេចតេជោ ហ៊ុន សែន នាយករដ្ឋមន្ត្រី ដែលបានចាត់ទុកវិស័យអប់រំ ជាអាទិភាព ហើយ បានកំពុងមានការរីកចម្រើនពីទីប្រជុំជន ទៅដល់មូលដ្ឋាន ។ ម្យ៉ាងទៀតដើម្បីទទួលបាននូវកម្រិតអប់រំខ្ពស់ គឺត្រូវការ ទាមទារនូវលក្ខណ្ឌជាច្រើន នូវដៃគូអភិវឌ្ឍន៍និងមានលទ្ធភាពគ្រប់គ្រាន់ទាំងសមត្ថភាពជំនាញខ្ពស់ក្នុងការសម្រេច បានការងារអប់រំនៅក្នុងកម្រិតស្តង់ដារអន្តរជាតិមួយ។ ឯកឧត្តមក៏បានបន្តទៀតថា ការអប់រំសម្រាប់ទាំងអស់គ្នា ដោយ ធានានូវលទ្ធភាពបានសេវាអប់រំ ប្រកបដោយសមធម៌ ដល់កុមារ និង យុវជនកម្ពុជាទាំងអស់ ទទួលបានការអប់រំមូលដ្ឋានក្នុងប្រព័ន្ធនិងក្រៅប្រព័ន្ធ។ម្យ៉ាងទៀត ការអភិវឌ្ឍន៍ធនធានមនុស្សប្រកបដោយគុណភាព សមត្ថភាព គុណធម៌ គឺជាកត្តាគន្លឹះ សម្រាប់ទ្រទ្រង់កំណើនសេដ្ឋកិច្ច ក្នុងការប្រកួតប្រជែងសម្រាប់ទៅពេលអនាគត សំខាន់នៅពេលកម្ពុជាឈានចូលប្រទេសមានចំណូលមធ្យមកម្រិតទាប ហើយបន្តឲ្យប្រទេសទៅចំណូលកម្រិតខ្ពស់នៅឆ្នាំ២០៣០និងជាប្រទេសអភិវឌ្ឍន៍នៅឆ្នាំ២០៥០ តាមចក្ខុវិស័យវែងឆ្ងាយរបស់រាជរដ្ឋាភិបាល។ ក្នុងនោះដែរលោក នូ ផល្លា ក៏បានធ្វើការណែនាំមួយចំនួន ដល់នាយកគ្រប់គ្រងសាលាអន្តរជាតិក្នុងការអនុវត្តគោលការណ៍អប់រំគឺត្រូវផ្សាភ្ជាប់នឹងការអប់រំនិង មានមនសិការស្នេហាជាតិ ក្នុងការ អប់រំអំពីប្រវត្តិសាស្ត្រ វប្បធម៌សន្តិភាព ការគោរពសិទ្ធ និង សេចក្តីថ្លៃថ្នូរ ព្រមទាំងគោរពគោលការណ៍សេរីភាពប្រជា ធិបតេយ្យ និង យុត្តិធម៌សង្គម ដោយប្រឆាំងនឹងអំពើហិង្សា និង ការប្រយុទ្ធប្រឆាំងការប្រើប្រាស់គ្រឿងញៀន និង ការ រើសអើងគ្រប់ប្រភេទទៀតផង។ ការអភិវឌ្ឍន៍ធនធានមនុស្ស គឺសំខាន់យុវជនដែលជាសរសស្តម្ភដ៏រឹងមាំរបស់ប្រទេសក្នុងការសំដៅកសាងសមត្ថភាពរបស់ខ្លួន ក្នុងការលើកស្ទួយគុណភាពខាង សុខភាព កាយសម្បទា សីលធម៌ ស្មារតីទទួលខុសត្រូវ មានមនសិការស្នេហាជាតិ និង មិនរើសអើងខាងយេនឌ័រ រួមជា មួយនឹងប្រព័ន្ធសុវត្ថិភាពសង្គម ដោយយើងទទួលបានការអប់រំទាំងអស់គ្នា ក្នុងការត្រៀមខ្លួនសម្រាប់ការធ្វើសមាហរណកម្មសេដ្ឋកិច្ចអាស៊ានតែមួយនៅឆ្នាំ២០១៥នេះ។
បន្ទាប់ពីគណៈអធិបតីបានធ្វើការកាត់ខ្សែបូរជានិមិត្តរូប ក្នុងការបើកសម្ពោធដាក់ឲ្យដំណើរការទទួលសិស្សចូល រៀន នៃសាលាអន្តរជាតិ ព្រមទាំងបានទស្សនានៅតាមបន្ទប់អគារទៀតផង៕
0 Comments