សមត្ថកិច្ចកងរាជអាវុធហត្ថស្រុកបារាយណ៍ធ្វើការឃាត់ខ្លួនជនសង្ស័យម្នាក់ពាក់ព័ន្ធនឹងករណីជួញដូរថ្នាំញៀន
កំពង់ធំ ៖ កម្លាំងសមត្ថកិច្ចកងរាជអាវុធហត្ថស្រុកបារាយណ៍បានធ្វើការឃាត់ខ្លួនជនសង្ស័យ ម្នាក់ នៅចំណុចវត្តត្រពាំងជ្រៃ ភូមិត្រពាំងជ្រៃ ឃុំបល្ល័ង្ក ស្រុកបារាយណ៍ កាលពីវេលាម៉ោង ១០ព្រឹកថ្ងៃទី០៩ ខែមករាឆ្នាំ២០១៥ នៅពេលជនសង្ស័យរូបនេះធ្វើសកម្មភាពលក់ចែកចាយគ្រឿងញៀននៅក្នុងភូមិត្រពាំងជ្រៃនេះ។
លោកវរសេនីយ៍ត្រីឃុនប៊ុនហួរមេបញ្ចាការកងរាជអាវុធហត្ថស្រុកបារាយណ៍បានអោយដឹងថា ក្រោយពីទទួលបានព័ត៌មានពីបណ្ដាញសម្ងាត់លោកក៏បញ្ជាអោយកំលាំងយើងធ្វើការទំនាក់ទំនងទិញដោយណាត់ជួបគ្នានៅវត្តត្រពាំងជ្រៃបន្ទាប់មកលោកបានឲ្យកំលាំង៦នាក់ស្លៀកពាក់ស៊ីវិលឃ្លាំចាំមើលរហូតដល់ម៉ោង១២និង១៥នាទីថ្ងៃដដែលលេចជនសង្ស័យម្នាក់លក់ចែកចាយគ្រឿងញៀន ភ្លាមៗនោះកំលាំងយើង បានធ្វើការឃាត់ខ្លួន ព្រមទាំងវត្ថុតាំងមានថ្នាំញៀនប្រភេទម៉ាទឹកក២កញ្ចប់តូចទូស័ព្ទដៃចំនួន២គ្រឿងកាបូបដៃ១ ដោយជនសង្ស័យរូបនេះមានឈ្មោះ ញ៉ក់ សេក អាយុ ២០ឆ្នាំ រស់នៅភូមិយាយទៀង ឃុំបល្ល័ង្ក ស្រុកបារាយណ៍ ខេត្តកំពង់ធំ បានឆ្លើយសារភាពថា មេខ្លោងរបស់ខ្លួនមានឈ្មោះ លេង មន អាយុ ២៧ឆ្នាំ រស់នៅភូមិយាយទៀង (ចាស់)ឃុំស្រុកជាមួយ បន្ទាប់មកយើងបានសុំការអនុញ្ញាត ធ្វើការឆែកឆេរ ផ្ទះ លេង មន បានរកឃើញមាន វត្ថុតាំងមួយចំនួនសំរាប់ ប្រើប្រាស់ជក់គ្រឿងញៀន ហើយក៏បានប្រមូល វត្ថុតាំងទាំងនោះ នៅនិងមុខសាក្សីមក ដើម្បីធ្វើកំណត់ហេតុ កសាងសំណុំរឿង បញ្ជូនមកតុលាការ ចំណែកមេខ្លោងនិងប្រពន្ធ បានរត់គេចខ្លួនបាត់។
រហូតមកដល់ថ្ងៃទ១០ ខែមករា ឆ្នាំ២០១៥ វេលាម៉ោង១១ថ្ងៃ ជនល្មើសឈ្មោះ ញ៉ក សេក ត្រូវបានបញ្ជូនមកកាន់បន្ទាយកងរាជអាវុធហត្ថខេត្តកំពង់ធំដើម្បីឃុំខ្លួនបណ្ដោះអាសន្នរង់ចាំតុលាការចាត់វិធានការតាមច្បាប់៕
ប៊ុន រដ្ឋា
0 Comments