មេដឹកនាំរបស់ចលនាប្រឆាំងមូស្លីម PEGIDAរបស់អាល្លឺម៉ង់ ដែលរីកចម្រើនឆាប់រហ័សនោះ បានលាលែងពីតំណែងនៅថ្ងៃពុធ ក្រោយពីរូបថតរបស់លោកត្រូវបានគេថតធ្វើឲ្យដូចលោកហ៊ីគ្លែរមក និងសេចក្ដីរាយការណ៍នានាដែលថា លោកបានហៅពួកជនភៀសខ្លួនថាជា "មនុស្សថោកទាប" ដោយជំរុញឲ្យពួកសុភាចារបុរសធ្វើការស៊ើបអង្កេតលោកពីបទញុះញង់ឲ្យមានការចងកំហឹងនោះ។
លោក លុត បាកម៉ាន់(Lutz Bachmann) ចោរលួចគាស់ផ្ទះ អាយុ៤១ឆ្នាំ ដែលត្រូវគេកាត់ឲ្យជាប់ទោសនោះ បានបង្ហាញមុខនៅលើទំព័រមុខរបស់កាសែតប្រចាំថ្ងៃ Bild ដែលលក់ដាច់ជាងគេ នៅថ្ងៃពុធ ដាក់ថែមពុកមាត់និងកាត់សក់ដូចហ៊ីគ្លែរនោះ។ កាសែត Bild និងកាសែតមួយទៀត និយាយថា លោកបានហៅពួកអ្នកស្វែងរកសិទ្ធជ្រកកោនថា ជា"សត្វ"និង"មនុស្សថោកទាប"។
លោក ខាតរិន អូអើថែល(Kathrin Oertel) អ្នកបង្កើតចលនាPEGIDAម្នាក់ទៀត និយាយថា ការលាលែងពីតំណែងរបស់លោកគ្មានអ្វីទាក់ទងជាមួយរូបថតហ៊ីគ្លែរទេ ប៉ុន្តែវាពាក់ព័ន្ធនឹងការអធិប្បាយរបស់លោកដែលត្រូវគេផ្សាយនៅក្នុងអ៊ីនធឺណិត៕
រឹទ្ធ
0 Comments