កោះកុង ៖ ក្រុមក្មេងទំនើង២ក្រុម បានបើកការប្រយុទ្ធយ៉ាងអនាធិបតេយ្យនៅចំណុចបង្គោល៣ជិតស្ពានកោះកុង ស្ថិតនៅក្នុងភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង កាលពីវេលាម៉ោងប្រមាណជា៣និង៣០នាទី នាថ្ងៃទី២៥ ខែកុម្ភៈ ឆ្នាំ២០១៥។
បើតាមការឲ្យដឹងពីលោកវរសេនីយ៍ត្រី ឡាយ ម៉េងឡាំង ប្រធានការិយាល័យកណ្ដាលប្រឆាំងបទល្មើសព្រហ្មទណ្ឌនៃស្នងការដ្ឋានខេត្តកោះកុងបានឲ្យដឹងថា ក្រោយការទទួលនូវពាក្យបណ្ដឹងពីប្រជាពលរដ្ឋ តាមរយៈទូរស័ព្ទលោកក៏បានសហការជាមួយនឹងកម្លាំងអន្តរាគមន៍នៃស្នងការដ្ឋានខេត្តកោះកុង ដើម្បីចុះទៅបង្ក្រាបភ្លាមៗផងដែរ ពេលទៅដល់ក្រុមក្មេងទំនើងទាំង២ក្រុមក៏បានបែកគ្នា ហើយរត់គេចរៀងៗខ្លួន។
ក្រោមការគាបស្ទាក់អស់រយៈពេលប្រមាណជិត១ម៉ោង សមត្ថកិច្ចឆ្មក់កំណត់បាននូវមុខសញ្ញា និងធ្វើការឃាត់ខ្លួនជនសង្ស័យបានចំនួន៥នាក់ ទី១-ឈ្មោះ ឈិន អៀក ភេទប្រុស អាយុ២៤ឆ្នាំ ទី២-ឈ្មោះ សៅ សុខលៀង ភេទប្រុស អាយុ២១ឆ្នាំ ទី៣-ឈ្មោះ អ៊ុក តូង ភេទប្រុស អាយុ២១ឆ្នាំ ទី៤-ឈ្មោះ ហែម សុខ ភេទប្រុស អាយុ១៨ឆ្នាំ និងទី៥-ឈ្មោះ លី ហួត ភេទប្រុស អាយុ១៩ឆ្នាំ។ លោកបានឲ្យដឹងបន្ថែមទៀតថា ក្រោយការឃាត់ខ្លួនជនសង្ស័យទាំង៥នាក់ខាងលើសមត្ថកិច្ច
ក៏បានធ្វើការដកហូតបាននូវវត្ថុតាងមួយចំនួន ព្រមទាំងម៉ូតូ៤គ្រឿងផងដែរ។
បច្ចុប្បន្នជនសង្ស័យទាំង៥នាក់ខាងលើ ត្រូវបានសមត្ថកិច្ចការិយាល័យកណ្ដាលប្រឆាំងបទល្មើសកំពុងសាកសួរ និងកសាងសំណុំរឿង៕
លឹម ហួរ
0 Comments