ពួកបំបែកខ្លួនគាំទ្រដោយរុស្ស៊ីបានអាវុធធុនធ្ងន់ខ្លះចេញពីរណសិរ្សជួរមុខនៅភាគខាងកើត អ៊ុយក្រែន ប៉ុន្តែរដ្ឋាភិបាលអ៊ុយក្រែនបានបដិសេធការអះអាងរបស់ពួកឧទ្ទាមដែលថាការដកអាវុធចេញបានចាប់ផ្តើមនោះ។
គម្រោងសន្តិភាពបានដោះស្រាយនៅក្នុងការចរចាជាបន្តបន្ទាប់នៅថ្ងៃទី១២ ខែកុម្ភៈនោះមានបំណងបង្កើតតំបន់ទ្រនាប់ធំទូលាយមួយរវាងកាំភ្លើងធំរបស់ភាគីទាំងពីរនោះ គឺជាចំណែកនៃប្រឹងប្រែងដើម្បីបញ្ចប់ជម្លោះដែលបណ្ដាលឲ្យស្លាប់មនុស្សជិត៥.៨០០នាក់ ចាប់តាំងពីខែមេសាមក។ អាវុធធុនធ្ងន់ត្រូវបានគេដកថយក្រោយចម្ងាយ២៥ទៅ៧០គ.ម ពីរណសិរ្សជួរមុខ។
ការមិនចុះសម្រុងគ្នាស្ដីពីការដកអាវុធថយកើតឡើងនៅពេលកិច្ចព្រមព្រៀងសន្តិភាពផុយស្រួយសម្រាប់ប្រទេសអ៊ុយក្រែនត្រូវបានពិភាក្សានៅទីក្រុងប៉ារីសដោយរដ្ឋមន្ត្រីការបរទេសរុស្ស៊ី អ៊ុយក្រែន អាល្លឺម៉ង់ និងប្រទេសបារាំង។ ការពិភាក្សានោះបានបញ្ចប់ដោយពុំមានការរីកចម្រើន ទោះបីជាពួកអ្នកចូលរួមបានសន្យាថានឹងប្រកាន់ខ្ជាប់នូវកិច្ចព្រមព្រៀងសន្តិភាព។
រដ្ឋមន្ត្រីការបរទេសអ៊ុយក្រែនលោក ប៉ាវឡូគ្លីមគីន (Povlo Klimkin) បាននិយាយប្រាប់ពួកអ្នកយកព័ត៌មានថាការបាញ់ផ្លោងរបស់ពួកឧទ្ទាមទៅលើទីតាំងរបស់អ៊ុយក្រែនបានបញ្ឈប់មុនអ៊ុយក្រែនចាប់ផ្តើមដកកាំភ្លើងធំរបស់ខ្លួន៕
រឹទ្ធ
0 Comments