ភ្នំពេញ ៖ បុរស២នាក់ ត្រូវបានកម្លាំងសមត្ថកិច្ចចម្រុះរបស់គណៈបញ្ជាការឯកភាពខណ្ឌសែនសុខចាប់ខ្លួន ពីបទទិញថ្នាំញៀនមកប្រើប្រាស់ខុសច្បាប់ ដែលប្រព្រឹត្តកាលពីវេលាម៉ោង២០និង៣០នាទីយប់ ថ្ងៃទី០៥ ខែកុម្ភៈ ឆ្នាំ២០១៥ នៅតាមបណ្តោយផ្លូវលេខ១៩៨៦ ស្ថិតក្នុងសង្កាត់ភ្នំពេញ
ថ្មី ខណ្ឌសែនសុខ។
សមត្ថកិច្ចនិយាយថា នៅមុនពេលកើតហេតុ គណៈបញ្ជាការឯកភាពខណ្ឌសែនសុខបានប្រើប្រាស់កម្លាំងចម្រុះដើម្បីឆែកឆេរអាវុធជាតិផ្ទុះនៅតាមបណ្តោយផ្លូវលេខ១៩៨៦ លុះក្រោយមកឃើញបុរស២នាក់ជិះម៉ូតូសង់មួយគ្រឿង ពាក់ស្លាកលេខភ្នំពេញ1AO3793 ដោយមានការសង្ស័យក៏ឃាត់ឲ្យឈប់ បានឆែកឆេររកឃើញថ្នាំញៀន១កញ្ចប់នៅក្នុងហោប៉ៅឈ្មោះ ភានជឿន អាយុ២៨ឆ្នាំ ក៏ចាប់ខ្លួនតែម្តង។ ហើយបក្ខពួកគេម្នាក់ទៀតឈ្មោះ ឈាង សុភ័ក្រ ដែលរួមដំណើរជាមួយក៏ត្រូវបានឃាត់ខ្លួនយកទៅឃុំខ្លួនជាបណ្ដោះអាសន្ននៅអធិការដ្ឋាននគរបាលខណ្ឌសែនសុខ តាមចម្លើយពួកគេប្រាប់ថា ថ្នាំញៀននេះបានទិញពីគេនៅត្រពាំងឈូកយកមកប្រើប្រាស់ផ្ទាល់ខ្លួនតែប៉ុណ្ណោះ៕
សឿន
0 Comments