មន្ត្រីលីប៊ីម្នាក់ បាននិយាយនៅថ្ងៃពុធថា ពួកអ្នកវាយប្រហារបានសម្លាប់មនុស្ស១២នាក់ នៅក្នុងចំណោមពួកគេមានជនជាតិហ្វីលីពីនពីរនាក់ និងហ្កាណាពីរនាក់ ក្រោយពីសម្រុកចូលទៅក្នុងអណ្ដូងប្រេងដាច់ស្រយាលមួយនៅក្នុងប្រទេសលីប៊ី។
លោក អាប់ដែលហាគីម ម៉ាហ្សាប(Abaelhakim Maazab) មេបញ្ជាការកងកម្លាំងសន្តិសុខទទួលបន្ទុកការពារអណ្ដូងប្រេង Msbruk ចម្ងាយប្រហែល១០០ម៉ែល៍ ខាងត្បូងទីក្រុងសឺត នៅមេឌីទែរ៉ាណេថា "ពួកគេភាគច្រើនត្រូវបានគេកាត់ក្បាលឫបាញ់សម្លាប់"។
លោក ម៉ាហ្សាបបាននិយាយបន្ថែមទៀតថា យុទ្ធជនរបស់លោកបានដណ្ដើមត្រួតត្រាអណ្ដូងប្រេងនោះមកវិញ ដែលបានប្រើបូមប្រេង៤០.០០០បារ៉ែលក្នុងមួយថ្ងៃ ប៉ុន្តែឥឡូវនេះអត់ដំណើរការទេ។ ក្រុមហ៊ុនថាមពលរបស់បារាំង Total មានហ៊ុននៅកន្លែងនោះ ប៉ុន្តែខ្លួនមានកិច្ចសន្យាជាមួយក្រុមហ៊ុនលីប៊ីមួយ។
តាមសេចក្ដីថ្លែងការណ៍មួយនៅព្រឹកថ្ងៃពុធ របស់ក្រសួងការបរទេសហ្វីលីពីនបានឲ្យដឹងថា ជនជាតិហ្វីលីពីនទាំងនោះបានធ្វើឲ្យក្រុមហ៊ុនអ៊ីតាលីមួយ Sohepi S.V.l។ ក្រសួងបានរាយការណ៍ថា ពលរដ្ឋរបស់ខ្លួន៣នាក់ ស្ថិតនៅក្នុងចំណោមជនបរទេស៧នាក់ ដែលត្រូវបានគេចាប់ពង្រត់ដោយជនប្រដាប់អាវុធដែលគេមិនស្គាល់ភិនភាគ៕
រឹទ្ធ
0 Comments