ស្របពេលដែលតារាចម្រៀងប្រុសរូបនេះកំពុងថប់មុខ និងរឿងធ្លាក់ប្រជាប្រិយភាពនោះ កាលពីថ្មីៗកន្លងមកនេះ ស្រាប់តែពេលនេះក៏លេចឮព័ត៌មានថា តារាចម្រៀងមាឌតូចល្អិត លោក កែវ វាសនា កំពុងលួចផ្ដើមមានទំនាក់ទំនងស្នេហាជាមួយនារីវ័យក្មេងដែលជានិស្សិតរៀននៅសកលវិទ្យាល័យក្នុងក្រុងភ្នំពេញម្នាក់។
ប្រភពលេចឮចេញមកពីមជ្ឈដ្ឋានខាងក្រៅបាននិយាយតៗគ្នាថា មួយរយៈនេះគេឧស្សាហ៍គេឃើញវត្តមានរបស់តារាប្រុសប្រចាំនៅផលិតកម្មសាន់ដេ លោក កែវ វាសនា បណ្ដើរនារីវ័យក្មេងម្នាក់ចូលទៅតាមហាងលក់ទំនិញទាំងមានភាពស្និទ្ធស្នាល មើលទៅហាក់ដូចជាមនុស្សដែលធ្លាប់ស្គាល់ចិត្តស្គាល់ថ្លើមគ្នាតាំងពីយូរណាស់មកហើយ។
ប្រភពខាងលើបានបន្តថា បើមើលទៅលើនារីវ័យក្មេងដែលកំពុងតែមានទំនាក់ទំនងជាមួយ លោក កែវ វាសនា ទំនងជានិស្សិតដែលកំពុងតែនៅបន្តការសិក្សានៅមហាវិទ្យាល័យណាមួយទៀតផង ព្រោះថាពេលខ្លះគេឃើញនារីម្នាក់នេះស្លៀកពាក់ខោអាវរបៀបដូចជានិស្សិតអញ្ចឹង។ ប្រភពបានបន្តថា នារីវ័យក្មេងម្នាក់នេះមានវ័យប្រហែលជា២០ឆ្នាំ ហើយសាច់ឈាមមើលទៅជាកូនអ្នកមានទ្រព្យសម្បត្តិច្រើនទៀតផង។
ពាក់ព័ន្ធនឹងព័ត៌មានខាងលើនេះ កម្ពុជាថ្មីបានព្យាយាមទាក់ទងទៅតារាចម្រៀងប្រុសលោក កែវ វាសនា ជាច្រើនលើកច្រើនសាដើម្បីសុំការបកស្រាយដែរ ប៉ុន្តែលេខទូរស័ព្ទរបស់តារាចម្រៀងរូបនេះមិនអាចធ្វើការទំនាក់ទំនងបានទេ នៅព្រឹកថ្ងៃទី២៤ ខែកក្កដា ឆ្នាំ២០១៥នេះ។ កម្ពុជាថ្មីស្វាគមន៍ចំពោះការចេញមុខមកបំភ្លឺពីសំណាក់លោក កែវ វាសនា ជានិច្ច។
តារាចម្រៀងដែលធ្លាប់តែមានប្រជាប្រិយភាពលេចធ្លោលោក កែវ វាសនា ក្នុងមួយរយៈពេលចុងក្រោយនេះ ហាក់ដូចជាធ្លាក់កូដ ទាំងប្រជាប្រិយភាព និងការគាំទ្រ ខណៈដែលមានវត្តមានតារាចម្រៀងចំណូលថ្មីលោក ឆាយ វីរៈយុទ្ធ ហក់ខ្លួនចូលទៅជ្រកក្នុងទ្រនំសាន់ដេរជាមួយដែរនោះ៕
កែវ វាសនា ឭថាភ្ជាប់ស្នេហ៍និស្សិតវ័យក្មេង
0 Comments