ភ្នំពេញ ៖ ថ្មីៗនេះ គេឃើញតារាសំដែង និងម៉ូដែលកញ្ញា គីម ឡាង ហៅមួយមួយ បានបង្ហាញមុខនៅលើសង្វៀនសិល្បៈសាជាថ្មី ជាមួយនឹងសម្រស់ដើមទ្រូង.ស ធំមូលក្លុំគួរឲ្យទាក់ទាញក្រសែភ្នែកប្រុសៗ ហើយបើតាមការនិយាយប្រាប់ពីតារាសិល្បៈដ៏ស្រស់សោភារូបនេះបង្ហើបថា នាងបានទៅកែកុនដើមទ្រូងនៅប្រទេសថៃ ដើម្បីមើលទៅឲ្យមានភាពទាក់ទាញជាងដើមទ្រូងពីធម្មជាតិបន្តិច។ មួយមួយ និយាយបន្តថា នាងមិនមានការព្រួយបារម្ភនោះឡើយទាក់ទងនឹងការកែសម្ផស្សដើមទ្រូងនេះ ពីព្រោះវេជ្ជបណ្ឌិតសុទ្ធតែមានជំនាញច្បាស់លាស់ ហើយកន្លងមកក៏មានតារាសិល្បៈខ្មែរយើងមួយចំនួនធ្លាប់ទៅកែសម្រស់ដូចជា ចង្កា ដើមទ្រូង ច្រមុះនៅទីនោះដែរ។
ពិធីការិនីក្នុងកម្មវិធី«គំនិតស្ត្រី»របស់ស្ថានីយទូរទស្សន៍ស៊ីធីអ៊ិនរូបនេះនិយាយទៀតថា នេះជាការចង់បានរបស់នាង ដូច្នេះហើយទើបនាងសម្រេចចិត្តថានឹងទៅកែកុនដើមទ្រូងឲ្យមានភាពសិចស៊ី ពីព្រោះស្ត្រីយើងប្រសិនបើដើមទ្រូងតូចក៏វាមិនស្អាតនោះដែរ ជាពិសេសនាង គឺជាសិល្បការិនីម្នាក់ ចាំបាច់ត្រូវតែមានចំណុចទាក់ទាញទស្សនិកជន។
បង្វែរមកនិយាយពីការងារសិល្បៈវិញ មួយមួយ និយាយទៀតថា មួយរយៈនេះ នាងមិនសូវរវល់នឹងការងារសិល្បៈដូចមុននោះទេ នេះក៏ព្រោះតែនាងជាប់ដៃនៅមើលការខុសត្រូវមុខជំនួញរកស៊ី ហើយនាងអាចនឹងផ្អាកការងារសិល្បៈមួយរយៈទៀត។
នាងបញ្ជាក់ថា ការងារសិល្បៈគ្រាន់តែផ្អាកប៉ុណ្ណោះ គឺមិនបានបោះបង់ចោលទាំងស្រុងនោះទេ ពោល នៅ ដែលការរកស៊ីមានលំនឹងហើយ នាងនឹងដកឃ្លាមកកាន់ការងារសិល្បៈវិញជាធម្មតា។
សូមរំលឹកដែរថា កញ្ញា គីម ឡាង ហៅមួយមួយ ត្រូវបានមហាជនកត់សម្គាល់ឃើញថា នាងគឺជាតារាសិល្បៈម្នាក់ ក្នុងចំណោមតារាស្រីដែលនិយមស្លៀកសំលៀកបំពាក់បែបស៊ីវិល័យ ជាមួយនឹងម៉ូដសិចស៊ីគួរជាទីចាប់អារម្មណ៍។ តារាស្រីវ័យ២៦ឆ្នាំរូបនេះមានរាងរៅស្រឡូន ស្បែក.សម៉ត់ខៃនិងមានទម្រង់មុខពោរពេញដោយមន្តស្នេហ៍ ជាពិសេសមួយមួយមានសម្រស់ដើមទ្រូងទ្រលុកទ្រលន់ផងដែរ៕
មួយមួយ កែកុនដើមទ្រូងដើម្បីភាពទាក់ទាញ
0 Comments