បន្ទាយមានជ័យ ៖ លោកលីសារីប្រធានមន្ទីររៀបចំដែនដីនគរោបនីយកម្មសំណង់ និងសុរិយោដីខេត្តបន្ទាយមានជ័យ លោកស្រីចាន់ថេងអភិបាលក្រុងសិរីសោភ័ណ និងពុទ្ធបរិស័ទជាច្រើននាក់ទៀតបាននាំយកទានព្រះវស្សា និងទេយ្យទានមួយចំនួនទៅប្រគេនដល់វត្តចំនួន៨វត្ត មានវត្តព្រះពន្លា វត្តសមាធិផល វត្តពង្រ វត្តម្កាក់ វត្តភ្នៀត វត្តទឹកថ្លា វត្តចំការខ្នុរ និងវត្តគោះពងសត្វ ស្ថិតនៅក្នុងក្រុងសិរីសោភ័ណ ខេត្តបន្ទាយមានជ័យនេះ។
ពិធីនេះបានប្រព្រឹត្តទៅនៅក្នុងវត្តសមាធិផល នៅវេលាម៉ោង៨និង៣០នាទីព្រឹកថ្ងៃទី២៦ ខែកក្កដា ឆ្នាំ២០១៥ ស្ថិតក្នុងភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ដែលក្នុងមួយវត្តទទួលបានទៀនព្រះវស្សាមួយគូ ថវិកា១០ម៉ឺនរៀល អង្ករ៥០គីឡូក្រាម ស្លាដកមួយធុង ទឹកអូឈិ ២យួរ ទឹកសុទ្ធ៤យួរ។
លោកលីសារីបាននិយាយថា ក្រោមការយកចិត្តទុកដាក់ ដឹកនាំប្រទេសរបស់ប្រមុខរាជរដ្ឋាភិបាលសម្តេចតេជោហ៊ុន សែន ក្នុងនោះ វិស័យពុទ្ធចក្រក៏មានការរីកចម្រើនយ៉ាងខ្លាំងផងដែរ ហើយនៅថ្ងៃជិតចូលវស្សានេះ ថ្នាក់ដឹកនាំ និងមន្ត្រីពាក់ព័ន្ធនានាបាននាំយកទៀនវស្សាទេយ្យទានក៏ដូចជាបច្ច័យមួយចំនួនធំយកទៅប្រគេនព្រះនៅក្នុងក្រុងសិរីសោភ័ណដើម្បីព្រះសង្ឃបំភ្លឺនៅពេលយប់សម្រាប់សិក្សារៀនសូត្រនៅថ្ងៃចូលវស្សាមានចំនួន៣ខែដើម្បីជាប្រូទីតសម្រាប់បំភ្លឺផ្លូវនៅថ្ងៃអនាគតផងដែរ៕
វត្តចំនួន៨នៅក្នុងក្រុងសិរីសោភ័ណទទួលបានទៀនព្រះវស្សា និងទេយ្យទាន
0 Comments