ពោធិ៍សាត់ ៖ លោកឧកញ៉ា ទ្រី ភាព អគ្គនាយកក្រុមហ៊ុនទ្រីភាពគ្រុបនៅតែបន្តជួយទ្រទ្រង់ផ្នែកព្រះពុទ្ធសាសនា ដោយជូនទៀនព្រះវស្សាដល់បណ្ដាវត្តមួយចំនួនក្នុងខេត្តពោធិ៍សាត់។
ពិធីនេះធ្វើឡើងនៅព្រឹកថ្ងៃទី២៦ ខែកក្កដា ឆ្នាំ២០១៥នេះ នៅក្នុងក្រុមហ៊ុនMDS ស្ថិតក្នុងភូមិព្រែក១ ឃុំសំរោង ស្រុកភ្នំក្រវាញ ខេត្តពោធិ៍សាត់។
លោកឧកញ៉ា ទ្រី ភាព និងលោកជំទាវ គៀង ស្រីនាង និងអាជ្ញាធរ ព្រមទាំងក្រុមការងារបុគ្គលិកក្រុមហ៊ុន MDS ទាំងអស់ក៏បាននាំទៀនវស្សា គ្រឿងឧបភោគបរិភោគ និង សម្ភារៈមួយចំនួនទៅប្រគេនព្រះសង្ឃ ដែលកំពុងគង់នៅចាំព្រះវស្សាទាំង២១វត្តក្នុងទឹកដីខេត្តពោធិ៍សាត់ ដែលសរុបអស់ទឹកប្រាក់ទាំងអស់ប្រមាណជាង៣ម៉ឺនដុល្លារផងដែរ។ ក្នុងចំណោម២១វត្តនោះ វត្តកណ្ដាល គឺលោកឧកញ៉ាបានប្រគេនថវិកាបន្ថែមលានរៀលពីលើនោះទៀត ដោយលោកមើលឃើញថា វត្តនេះបានចិញ្ចឹមកុមារកំព្រារហូតដល់៨០នាក់ឯណោះ៕
លោកឧកញ៉ាទ្រីភាព ប្រគេនទៀនព្រះវស្សា២១វត្ត សរុបទឹកប្រាក់អស់ប្រមាណជាង៣ម៉ឺនដុល្លារ
0 Comments