ភ្នំពេញ ៖ កញ្ញា យូរី ជាតារាចម្រៀងវ័យក្មេងមានសម្រស់ស្រស់ស្អាតសាច់.ស ម៉ដ្ឋរលោង ដែលទើបតែចូលប្រឡូកនៅក្នុងវិថីសិល្បៈប្រហែល២ឆ្នាំតែប៉ុណ្ណោះ តែបើនិយាយពីប្រជាប្រិយភាព និង សន្ទុះនៃការគាំទ្រនៅលើទីផ្សារសិល្បៈ ហាក់ដូចជាកំពុងតែដើរឈានទៅរកភាពល្បីដូចតារាស្រីដែលមានឈ្មោះល្បីៗឯទៀតផងដែរ។
ទស្សនិកជនជាអ្នកគាំទ្របានលើកឡើងថា កញ្ញា យូរី មួយរយៈចុងក្រោយនេះ ទាំងប្រជាប្រិយភាព និងកេរ្តិ៍ឈ្មោះរបស់នាង គឺកាន់តែមានសន្ទុះហក់ឈានឡើងទៅមុខជាលំដាប់ ពោលគឺអាចនិយាយបានថា នាងកំពុងតែមានយីអ៊ុនខ្ពស់ ខណៈដែលតារាស្រីថ្មីដូចនាងមិនទាន់រកឃើញទីផ្សារដើម្បីឆក់ដណ្ដើមយកកេរ្តិ៍ឈ្មោះ និងការគាំទ្រល្បីល្បាញបានដូចនាងនៅឡើយនោះ។
ទន្ទឹមនឹងការគាំទ្រកំពុងតែដើរទៅមុខជាលំដាប់នេះដែរ កញ្ញា យូរី ក៏ត្រូវបានគេមើលឃើញថា នាងតារាចម្រៀងស្រីវ័យក្មេងដែលមានរូបសម្រស់ស្រស់ស្អាតគួរឱ្យទាក់ទាញថែមទៀត។ មិនតែប៉ុណ្ណោះកញ្ញា យូរី បានធ្វើឱ្យបុរសៗជាច្រើនមានទាំងអ្នករស់នៅក្នុងស្រុក និងក្រៅស្រុក កំពុងតែនាំគ្នាជ្រួលជ្រើមឈ្លក់វង្វេងលង់នឹងសម្រស់ដ៏ស្រស់សោភារបស់នាងផងដែរ។
ថ្មីៗនេះ មានប្រភពមួយបានបង្ហើបប្រាប់ថា បច្ចុប្បន្ននេះ កំពុងតែមានបុរសៗជាច្រើនហើយសុទ្ធតែជាអ្នកដែលមានទ្រព្យស្តុកមានទាំងអ្នករស់នៅក្នុងស្រុក និងក្រៅស្រុក កំពុងតែតាមលួងលោកសុំសេចក្ដីស្រលាញ់ពីកញ្ញា យូរី ដើម្បីបាននាងយកទៅធ្វើជាម្ចាស់បេះដូងឃុំគ្រងជាកម្មសិទ្ធិទៅថ្ងៃអនាគត។
ប្រភពដដែលនេះបានបន្តថា យូរី មិនធម្មតានោះទេ ដោយសព្វថ្ងៃនេះកំពុងមានអ្នកតាមយកចិត្តយកថ្លើមជាច្រើន ក្នុងបំណងចង់បានការស្រលាញ់ពីរូបនាង។ ជាងនេះទៅទៀតនោះ ក៏មានបុរសអ្នកមានទ្រព្យ និងយសស័ក្ដិមួយចំនួនចង់ធានា ជួយជ្រោមជ្រែងដល់កញ្ញា យូរី ទៀតផង។
ត្បិតតែពេលនេះមានបុរសជាច្រើនកំពុងព្យាយាមតាមលួងលោមរំខានសុំស្រលាញ់ពីកញ្ញា យូរី ក៏ពិតមែន ប៉ុន្តែគេនៅមិនទាន់ដឹងនៅឡើយទេថា តើ យូរី នឹងព្រមទទួលយកបុរសណាម្នាក់ក្នុងចំណោមអ្នកទាំងនោះមកធ្វើជាម្ចាស់បេះដូង ឬមួយយ៉ាងណានោះទេ? ខណៈដែលមុនៗនេះគេធ្លាប់បានដឹងថា នាងតែងតែធ្វើការច្រានចោល និងបដិសេធជានិច្ចចំពោះសំណើសុំស្នេហ៍។
មកដល់រសៀលថ្ងៃទី២៥ ខែកក្កដា ឆ្នាំ២០១៥នេះ កម្ពុជាថ្មីនៅតែមិនអាចទំនាក់ទំនងដើម្បីសាកសួរជុំវិញរឿងនេះបានទេ។ ខណៈលេខទូរស័ព្ទពេលតេចូលមានបុរសម្នាក់ជាអ្នកទទួល ហើយប្រាប់ថា ខលច្រឡំលេខ រួចក៏បានចុចផ្ដាច់ទូរស័ព្ទ។ កម្ពុជាថ្មី សង្ឃឹមថា យូរី នឹងចេញបកស្រាយនៅពេលក្រោយ។
យូរី ជាតារាចម្រៀងដែលជ្រកក្រោមដំបូលរបស់ផលិតកម្ម សាន់ដេ នាងទើបហក់ចូលមកប្រឡូកក្នុងវិស័យសិល្បៈបានប្រហែល២ឆ្នាំប៉ុណ្ណោះ តែ យូរី អាចថ្ពក់ទាញយកបានការគាំទ្រយ៉ាងភ្លូកទឹកភ្លូកដីពីស្រទាប់យុវវ័យមិនចាញ់តារាជើងចាស់ប៉ុន្មាននោះទេ។ កាលដែលនាងអាចឆក់យកបានប្រជាប្រិយភាពយ៉ាងឆាប់រហ័សដូច្នេះ គឺដោយសារនាងជាតារាដែលមានវ័យក្មេង និងមានរូបសម្រស់សាច់.ស ខ្ចី គួបផ្សំនឹងសមត្ថភាពរបស់នាងផងដែរ៕
យូរី ឭថាមានអ្នកតាមសុំស្រលាញ់ច្រើន
0 Comments