ពាក់ព័ន្ធពីការលេចឮថា វ៉ាង ស្រីណូស្និទ្ធស្នាលជាមួយម្ចាស់ហាងទឹកអប់ Morakot នាងបានឲ្យដឹងថា បើនិយាយទៅនាងខ្ញុំធ្លាប់ស្គាល់ថៅកែនេះយូរហើយ គឺអាចនិយាយថា ជាការរាប់អានគ្នាដូចបងប្អូនស្និទ្ធស្នាលផងដែរ។ ទាក់ទងការអញ្ជើញតារាចូលរួមកម្មវិធី នេះគឺនាងខ្ញុំជាអ្នកហៅទេ ព្រោះនាងខ្ញុំចង់ឲ្យតារាទាំងនោះស្គាល់ហាងនេះផង។ ការដាក់ហ៊ុនវិញនាងថា ខ្ញុំអត់មានដាក់ហ៊ុនអីទេ តែមានអារម្មណ៍ថា ចូលចិត្ត ព្រោះហាងរបស់គាត់យកមកពីបរទេសមានគុណភាពល្អ ចំណែកខ្ញុំក៏មានចំណូលការរកស៊ីរបៀបនេះដែរ។
គួររំលឹកឡើងវិញថាវ៉ាង ស្រីណូ ជិត៥ឆ្នាំហើយដែលនាងដើរចេញពីអាជីពសិល្បៈពោលគឺពីឆ្នាំ ២០០៩ដល់ឆ្នាំ២០១៤ ទើបពេលនេះនាងចូលសិល្បៈស្ងាត់ៗបំផុតថតឲ្យសាន់ដេចាប់ដៃគូចាស់លោកអែនឌីវិញ ហើយពេលនោះនាងពុំសូវ ដណ្តើមភាពលេចធ្លោដូចពេលមុននោះទេព្រោះតែមានតារាថ្មីៗរះឡើងជាច្រើនបានលេងខ្លួនសិចស៊ីជាងនាងទៅទៀតដូចជាបេននី ពេជ្រ អាវីហ្សា ដួង ស្រីពេជ្រ ដែលលេងខ្លួនមិនខ្លាចបញ្ចេញសាច់នោះឡើយ។ ប៉ុន្តែគេឃើញថាវ៉ាង ស្រីណូ ពុំមានការចង់ប្រជែងជាមួយតារាថ្មីៗនោះទេ គឺនាងគ្រាន់តែថតដើម្បីបន្លប់ និងកំដរអារម្មណ៍ប៉ុណ្ណោះ ព្រោះមានលុយចាយមិនអស់ទៅហើយ ទើបល្បីចង់បើកហាងទឹកអប់។
ការបាត់មុខជិត៥ឆ្នាំរបស់វ៉ាង ស្រីណូ នាងមានទ្រព្យសម្បត្តិដូចសេដ្ឋិនីរស់នៅវិឡារភ្លោះ យ៉ាងស្កឹមស្កៃតម្លៃជិត១លានដុល្លារឯបុរីប៉េង ហួត បឹងស្នោ និងជិះឡានថ្លៃៗ។ ការមានបានយ៉ាងឆាប់រហ័សនេះ ក្រោយល្បីថា បានជួបស្នេហ៍ ជាមួយថៅកែសណ្ឋាគារពាក់ផ្កាយ២ក្រុងកំពង់សោម តែនាងបែរជាច្រានចោល។ ប៉ុន្តែថ្មីៗ នេះនាងបានធ្លាយរូបកៀកកើយជាមួយបុរសម្នាក់នៅម្តុំស្តុបបូកគោ ទើបមានការលេចឮថា ប្រុសម្នាក់នេះជាមនុស្សដែលសំខាន់បំផុតរបស់វ៉ាង ស្រីណូ។
វ៉ាង ស្រីណូនៅតែមានមន្តស្នេហ៍ទើបទស្សនិកជនគិតថា តារាសិចស៊ីរូបនេះ តើនាងប្រគល់បេះដូងឲ្យបុរសណាពិតប្រាកដ ព្រោះនាងបែរជានិយាយប្រាប់ថា មានសង្សារជានិស្សិតនៅសហរដ្ឋអាមេរិក ក្រោយពេលដែលសួរនាងរាល់លើក៕
វ៉ាង ស្រីណូ មានតម្រុយស្នេហ៍ថ្មី
0 Comments