កំពង់ស្ពឺ ៖ ការប្រកួតបាល់ទាត់ពានរង្វាន់អភិបាលខេត្តកំពង់ស្ពឺ ឬ Kampong Speu Football League ២០១៥ នៅថ្ងៃអាទិត្យ ទី២៦ ខែកក្កដា ឆ្នាំ២០១៥ នេះ មាន៨ប្រកួត។ បញ្ជាការដ្ឋានកាំភ្លើងធំមិនអាចចូលរួមប្រកួតបានទេ នៅសប្ដាហ៍នេះ ដូចនេះគណៈកម្មការរៀបចំការប្រកួតសម្រេចឱ្យក្រុមសាលាខេត្តឈ្នះ ដោយទទួលបានពិន្ទុ៣ និង មាន៣គ្រាប់។ ចំពោះមន្ទីរអប់រំយុវជន និងកីឡាដែលឈរនៅលេខរៀងទី៨ នៃ២៩ក្រុម សប្ដាហ៍នេះធ្វើបានល្អ ដោយអាចបំបាក់ក្រុមមន្ទីរការងារដោយលទ្ធផល ៦-២។ហើយក្រុងច្បារមន ដែលមាន០ពិន្ទុបានបោះបង់ការប្រកួត របស់ខ្លួនធ្វើឱ្យមន្ទីរពាណិជ្ជកម្មទទួលបានពិន្ទុ៣បន្ថែមទៀតសប្ដាហ៍នេះទទួលបានពិន្ទុបន្ថែមលើ៤ពិន្ទុ ដែលមានស្រាប់។ គ្រឹះស្ថានមីក្រូហិរញ្ញវត្ថុស្ថាបនាបានយកឈ្នះក្រុមអគ្គិសនីកម្ពុជា ខេត្តកំពង់ស្ពឺ ដោយលទ្ធផល ១-២។ ក្រុមខ្យាដំរីម្ទេសខ្លាំង ស្រុកថ្ពង បានបំបាត់ក្រុមស្រុកឱរ៉ាល់ដោយលទ្ធផល ៨-៣។
ក្រុមខ្លាឃុំទឹកកក ស្នងការនគរបាលខេត្ត ឈ្នះក្រុមកងរាជអាវុធហត្ថខេត្តយ៉ាងលំបាកដោយលទ្ធផល២-១ ហើយក្រុមទាំង២នេះទាញបានការចាប់អារម្មណ៍ពីទស្សនិកជនជាងគេ។ សូមបញ្ជាក់ថា ក្រុមទាំង២នេះ មាន៩ពិន្ទុ ដូចគ្នា និងជាក្រុមមិនដែលចាញ់ដូចគ្នា។ ភូមិពាណិជ្ជកម្មសប្ដាហ៍នេះ មិនអាចលេងបានទាំងថ្ងៃសៅរ៍ផង ថ្ងៃអាទិត្យផង ដូចនេះក្រុមមួយនេះ អាចប្រឈមនឹងការកាត់ចោលពីការប្រកួតទាំងស្រុង។ ដូចនេះគណៈកម្មការសម្រេចប្រគល់ជ័យជំនះជូនក្រុមស្រុកឧដុង្គ និងវិទ្យាស្ថានទ័ពជើងគោកដោយឱ្យពិន្ទុចំនួន៣ក្នុង១ក្រុម។ គូចុង ក្រោយ មន្ទីរអភិវឌ្ឍន៍ជនបទខេត្ត ស៊ីដាច់ក្រុមគ្រឹះស្ថានមីក្រូហិរញ្ញវត្ថុអម្រឹតដោយលទ្ធផល ៧-០។ គ្រាប់បាល់ស៊ុតបញ្ចូលទីគ្នាសរុបក្នុងសប្ដាហ៍នេះ មានចំនួន៨២ គ្រាប់ ហើយមានកីឡាករចំនួន៧នាក់ទទួលបានកាតលឿង ក្នុងសប្ដាហ៍នេះផងដែរ។ ថ្ងៃទី១-២ ខែសីហា ឆ្នាំ២០១៥ សប្តាហ៍ក្រោម មាន១៦ប្រកួត និងចែកជា២ទីលាន។ ទីលានកីឡដ្ឋានខេត្តមាន៨ប្រកួត៖ ថ្ងៃទី១ ខែសីហា ឆ្នាំ២០១៥មាន១-មន្ទីរសេដ្ឋកិច្ច និងហិរញ្ញវត្ថុ ប្រកួតជាមួយ សហគ្រាសសំណង់ហួរ ហេង ២-វិទ្យាស្ថានទ័ពជើងគោក ប្រកួតជាមួយ កងរាជអាវុធហត្ថ ៣-ក្រុងច្បារមន ប្រកួតជាមួយ ស្រុកឱរ៉ាល់ ៤-យុវជនស្រុកពិសី ប្រកួតជាមួយស្នងការនគរបាលខេត្ត ៥-សមាគមខ្មែរ-ចិន ប្រកួតជាមួយ ពន្លកថ្មី FC ៦-មន្ទីរបរិស្ថាន ប្រកួតជាមួយសាលាខេត្ត ៧-បញ្ជាការដ្ឋានកាំភ្លើងធំ ប្រកួតជាមួយស្ថាបនាលីមីធីត ៨-មន្ទីរអប់រំ ប្រកួតជាមួយស្រុកឧដុង្គ។
ថ្ងៃទី២ ខែសីហា ឆ្នាំ២០១៥មាន៖ ៩-អគ្គិសនីកម្ពុជា ប្រកួតជាមួយ សសសយកខេត្ត ១០-លីហួរភីអិលស៊ី ប្រកួតជាមួយមន្ទីរអភិវឌ្ឍន៍ ១១-ភូមិពាណិជ្ជកម្ម ប្រកួតជាមួយសាលាភាសាណាវុធ ១២-សហគ្រាសសំណង់ហួរហេង ប្រកួតជាមួយ កងរាជអាវុធហត្ថ ១៣-មន្ទីរការងារ ប្រកួតជាមួយយុវជនសុវណ្ណភូមិ ១៤-មន្ទីរពាណិជ្ជកម្ម ប្រកួតជាមួយ គ្រឹះស្ថាន.អម្រឹត ១៥-ស្រុកភ្នំស្រួច ប្រកួតជាមួយគ្រឹះស្ថាន.ប្រាសាក់ ១៦-ស្រុកថ្ពង ប្រកួតជាមួយ ពន្លកថ្មី FC។ ហើយសប្ដាហ៍ក្រោយដែលជាសប្ដាហ៍ទី៥មានគូរជក់ចិត្តដែលធ្លាប់តែ ឈ្នះដូចគ្នានិងជួបនៅទីលានទាង២យ៉ាងស្វិតស្វាញបន្តទៀតខណៈលទ្ធផលនានាមិនទាន់បានចាញ់ឈ្នះគ្នាច្រើន៕
បាល់ទាត់ពានរង្វាន់អភិបាលខេត្តកំពង់ស្ពឺ ឈានដល់សប្ដាហ៍ទី៤ ដែលមានជើងខ្លាំង៨ក្រុមជួបគ្នានៅទីលានកីឡា និងទីលានមន្ទីរអប់រំ
0 Comments