បន្ទាយមានជ័យ ៖ ដំបូលផ្ទះពលរដ្ឋចំនួន៧ខ្នង ក្នុងឃុំចំនួន២របស់ស្រុកស្វាយចេកខេត្តបន្ទាយមានជ័យ ត្រូវបានប៉ើងដោយសារមានភ្លៀងធ្លាក់នឹងខ្យល់កន្ត្រាក់កាលពីរសៀលថ្ងៃទី២៦ កក្កដា ២០១៥។
លោក ជា ឈ្លូញ អធិការស្រុកស្វាយចេកបានឲ្យដឹងថា បណ្ដាលឲ្យរបើកតំបូលផ្ទះពលរដ្ឋចំនួន ៧ខ្នង ដែលរងការប៉ើងដំបូល គឺស្ថិតនៅក្នុងឃុំស្លក្រាមចំនួន ៦ ខ្នងជាផ្ទះរបស់ឈ្មោះទីត សៃ ប្រុសអាយុ៣៨ឆ្នាំ ភូមិខ្លែងពណ៌ជើង២/ឈ្មោះគាយ គៀតប្រុស អាយុ៣៨ឆ្នាំ ភូមិខ្លែងពណ៌ជើង៣/ឈ្មោះប៊ូ ហួយ ស្រីអាយុ៤៨ភូមិខ្លែងពណ៌ជើង ៤/ឈ្មោះញ៉ាន ញ៉ក់ប្រុសអាយុ២៧ឆ្នាំភូមិ កកោះ៥/ឈ្មោះមួន ចំប៉ា ស្រីអាយុ៣០ឆ្នាំកកោះ៦/ឈ្មោះមុត ស៊ីម៉ ស្រីអាយុ៣០ឆ្នាំ។ដោយឡែកមួយខ្នងទៀតស្ថិតនៅ ឃុំតាបែន របស់ពលរដ្ឋឈ្មោះប៊ុន ថន ភេទប្រុសអាយុ ៦០ឆ្នាំ នៅភូមិគោកតាឯក។ លោកបានបន្តទៀតថា ស្រុករបស់លោកជាកន្លងមកផ្ទះពលរដ្ឋជាច្រើនក្នុងស្រុកស្វាយចេកតែងរងការបំផ្លិតបំផ្លាញ ពីឥទ្ធិពលអាក្រក់នៃខ្យល់កន្ត្រាក់ជាញឹកញាប់ ៕
លំនៅដ្ឋានពលរដ្ឋចំនួន៧ខ្នង នៅស្រុកស្វាយចេករងឥទ្ធិពលខ្យល់កន្ទ្រាក់ប៉ើងដំបូល
0 Comments