នៅក្នុងអត្ថន័យខ្លឹមសារដែលត្រូវបានតារាសម្ដែងវ័យក្មេងកញ្ញា មុន្នី រក្សា សរសេរបង្ហោះកាលពីព្រឹកថ្ងៃទី២៧ ខែកក្កដា ឆ្នាំ២០១៥នេះ បាននិយាយថា ប្រហែលជាម៉ោង១០និង១៥យប់មិញនេះ សុំខ្លាចហើយប៉ូលិសសម័យឥឡូវ កញ្ចក់ខ្ញុំមិនបានបិតកញ្ចក់ខ្មៅផង ឡានទិញមកពីគេបិតមកពីនាយ ហើយមិនមែនកញ្ចក់ខ្មៅទាំងអស់ទេ គឺតែទ្វារកញ្ចក់ខាងក្រោយ បងប៉ូលិសគាត់ថា ខ្ញុំខុស ឲ្យទៅនិយាយជាមួយមេរបស់គាត់ ហើយខ្ញុំនិយាយជាមួយគាត់ស្រួលៗ ថាពូ ឡានខ្ញុំទិញមកវាអញ្ចឹងស្រាប់ហើយ ខ្ញុំជាស្រី ជាអ្នកសិល្បៈទៀត ស្រាប់តែនិយាយខ្លាំងៗដាក់ខ្ញុំ ថាអត់មានលុយមែន ហើយដែលរៀនច្បាប់អត់។
កញ្ញា មុន្នី រក្សា បានបន្តថា “ខ្ញុំមិននិយាយច្រើន ហើយក៏ចូលឡាន ស្រាប់តែមានលោកប៉ូលិសម្នាក់ស្រែកខ្លាំងៗ ថាខ្ញុំចង់រត់មែន ឮហើយក្ដៅចិត្តណាស់ ដើរចូលឡានយកលុយឲ្យគាត់សោះ ហើយចង់បើកទ្វារឡានឲ្យគាត់បកកញ្ចក់ខ្មៅចេញទៅ ព្រោះខ្ញុំអត់ចេះបក លេងនិយាយមកមើលងាយគេ ហើយមុននឹងផាកពិន័យខ្ញុំ មានឡានស៊េរីទំនើបបិតកញ្ចក់ខ្មៅទាំងមុខទាំងក្រោយមិនផាកគេទេ ថែមទាំងគោរពគេទៀត បង្អូនទាំងអស់គ្នាជិះឡានស៊េរីល្មមៗ ជាពិសេសប្អូនស្រីៗ បើមិនប្រយ័ត្ន បងៗប៉ូលិសកាក់ស៊ីហើយ (ទីតាំងនៅជិតផ្សារដើមគរ) សូមជួយ share ផង”។
បន្ថែមលើនេះ កញ្ញា មុន្នី រក្សា បាននិយាយប្រាប់កម្ពុជាថ្មីតាមទូរស័ព្ទនៅរសៀលថ្ងៃទី២៧ ខែកក្កដានេះថា យប់នោះនាងពីរនាក់បងប្អូនបានទៅចូលរួមកម្មវិធីរបស់មិត្តភ័ក្ដិរហូតដល់ម៉ោងជាង១០យប់ ហើយក៏បានធ្វើដំណើរតាមរថយន្តបាឡែនឆ្ពោះទៅផ្ទះវិញ ប៉ុន្តែស្រាប់មកដល់ចំណុចជិតផ្សាដើមគរ ក៏ត្រូវបានសមត្ថកិច្ចដែលដាក់គោលដៅត្រង់នោះហៅឲ្យឈប់ រួចផាកពិន័យតែម្ដង។
កញ្ញា មុន្នី រក្សា បានបន្ថែមថា ខ្ញុំមិនស្ដាយទេ លុយផាកពិន័យត្រឹម៥ ឬ៦ម៉ឺននោះ ព្រោះយើងខុសបន្តិចមែន តែសប្បាយចិត្តត្រង់ថាមានពូប៉ូលិសម្នាក់ដែលគាត់ជាអ្នកអនុវត្តន៍ច្បាប់ ប៉ុន្តែនិយាយស្ដីមកដូចជាគ្មានសិល្បៈក្នុងខ្លួនសោះ។ រាល់ពាក្យស្ដីគាត់និយាយមកហាក់ដូចជាមិនសូវគោរពសិទ្ធអ្នកដទៃទេ និយាយគំរោះគំរើយ ថែមទាំងសម្លុតគេទៀត ខ្ញុំអត់ពេញចិត្តនឹងសម្ដីប៉ូលិសម្នាក់ហ្នឹងទេ បើដឹងថាខ្ញុំខុសហើយ ហេតុអ្វីគាត់មិននិយាយផាកតាមសម្រួលទៅ ចាំបាច់ស្រែកឭៗបញ្ចេញកាយវិការច្រងេងច្រងាងធ្វើអី៕
មុន្នី រក្សា ហួសចិត្ត ប៉ូលិសចរាចរណ៍ម្នាក់និយាយមើលងាយពេលហៅផាកពិន័យ
0 Comments