មិត្តភ័ក្ដិនៅក្នុងហ្វេសប៊ុកលោក អាឡិច ហ្សូរ៉ា បានបញ្ចេញមតិចំពោះរូបដែលលោកបានបង្ហោះថា Cannot wait for the movie!! ទោះបីជាយ៉ាងនេះក្ដី យើងក៏នៅតែមិនទាន់អាចសន្និដ្ឋានបានថាតើ កញ្ញា ឈិត សុវណ្ណបញ្ញា កំពុងតែថតចម្រៀងខារ៉ាអូខេ ឬក៏កំពុងតែថតខ្សែភាពយន្តនោះទេ ព្រោះយើងសុំការបំភ្លឺពីសាមីខ្លួនមិនទាន់បាន! ក្រៅពីអាជីពជាតារាចម្រៀងប្រចាំផលិតកម្មហង្សមាសហើយនោះ កញ្ញា ឈិត សុវណ្ណបញ្ញា ក៏បានបង្កើតហាងសាឡនមួយដែលមានឈ្មោះថា “Twin Salon” តាមរយៈអត្ថន័យនៃឈ្មោះហាងរបស់នាង អាច ស.បញ្ជាក់ឲ្យឃើញថា នាងដាក់ឈ្មោះបែបនេះក៏ព្រោះតែនាង គឺជាកូនភ្លោះ។
សូមបញ្ជាក់ផងដែរថា ក្នុងចំណោមបងប្អូនទាំងអស់ មានតែ កញ្ញា ឈិត សុវណ្ណបញ្ញាប៉ុណ្ណោះដែលមានដុងខាងសិល្បៈ។ នាងបានកើតនាថ្ងៃទី០៩ ខែមករា ឆ្នាំ១៩៨៩ មានស្រុកកំណើតនៅរាជធានីភ្នំពេញ។ ឈិត សុវណ្ណបញ្ញា ជាកូនស្រីក្នុងចំណោម បងប្អូនប្រុសដែលម្ដាយបានស្លាប់ ហើយរស់នៅជាមួយឪពុកជាជាងចម្លាក់។ នាងជាមនុស្សម្នាក់ដែលមានចំណាប់អារម្មណ៍ខាងសិល្បៈតាំងពីក្មេង ហើយនាងតែងតែចង់មានឱកាសក្នុងការចេញមកច្រៀងឲ្យផលិតកម្មល្បីដូចជារស្មីហង្សមាស។ បញ្ញា បានចុះកុងត្រាជាមួយ ផលិតកម្មរស្មីហង្សមាស ក្នុងឆ្នាំ២០០៥ ដែលជាកុងត្រាដំបូងដែលគេផ្ដល់ជូននាងជាកុងត្រាចំនួនប្រាំឆ្នាំ ហើយមកដល់ពេលនេះជិត១០ឆ្នាំហើយ នាងមិនទាន់មានចិត្តក្នុងការផ្លាស់កន្លែងច្រៀងនោះទេ ហេតុតែរស្មីហង្សមាសនេះហើយដែលនាងចង់ចូលតាំងពីមិនទាន់មានមុខក្នុងសិល្បៈមកម្ល៉េះ។ មុនចុះកុងត្រា នាងត្រូវបានអ្នកគ្រប់គ្រងទូទៅរបស់ផលិតកម្មរស្មីហង្សមាសបង្ហាត់បង្រៀននាងជាមួយនឹងអ្នកនិពន្ធនៅក្នុងផលិតកម្មផ្ទាល់។ ក្នុងរយៈ១០ឆ្នាំមកនេះ នាងបានច្រៀងចេញជាចម្រៀងជាច្រើនបទ ដែលពេលខ្លះនាងផ្ទាល់ក៏មិនដឹងផងថាមានបទអ្វីខ្លះទេ។
ជាមួយនឹងរូបសម្រស់ ស្រស់ស្អាត កាយវិការទន់ភ្លន់ ទេពកោសល្យនៃការច្រៀង ព្រមទាំងចរិតដ៏រួសរាយរាក់ទាក់ នាងនៅតែគ្រងដំណែងជាតារាកូនសោប្រចាំផលិតកម្មរស្មីហង្សមាស។ ហើយនាងក៏ធ្លាប់បានចេញទៅសម្ដែង នៅនាយសមុទ្រជាច្រើនដងផងដែរ។
ឈិត សុវណ្ណបញ្ញា ដែលអូសទាញការគាំទ្រមិនចាញ់តារារួមដំបូលនោះ ក៏លេងក្បាច់រាំដ៏រស់រវើកគួរឱ្យចាប់អារម្មណ៍ ស្ថិតក្នុងចំណោមអ្នកចម្រៀងដែលមានក្បាច់រាំល្អ មានដូចជា ឱក សុគន្ធកញ្ញា ,ពេជ្រ សោភា ,ទេព បូព្រឹក្ស ,យូរី ,សួស វីហ្សា ជាដើម៕
ឈិត សុវណ្ណបញ្ញា កំពុងសម្ងំលាក់ខ្លួន......!
0 Comments