ភ្នំពេញ ៖ ដោយសារតែគណៈមេប្រយោគមិនអនុញ្ញាតិ ឲ្យទូរស័ព្ទដៃចូលក្នុងការប្រឡងក្រមខណ្ឌនោះក៏និស្សិតសាលាពេទ្យ បាននាំគ្នាទុកទូរស័ព្ទរបស់ខ្លួន នៅក្នុងឃ្លុបក្រោមកែបម៉ូតូរួចយកម៉ូតូទៅកឹបសំបុត្រទុកកន្លែងទទួលផ្ញើរបស់សាលាពេទ្យ លុះពេលត្រឡប់ចប់ចេញមកយកម៉ូតូវិញបើកកែបម៉ូតូមើលស្រាប់ទូរស័ព្ទ ច្រើននាក់តែម្តង។
ហេតុការណ៍ភ្ញាក់ផ្អើលបាត់ទូរស័ព្ទដៃគ្រប់ប្រភេទរបស់ក្រុមនិស្សិតនោះ បានកើតឡើងកាលពីវេលាម៉ោង១៦និង៣០នាទីល្ងាចថ្ងៃទី២៦ខែកក្កដា ឆ្នាំ២០១៥នៅចំណុចកន្លែងទទួលផ្ញើត្រង់ច្រកទ្វារខាងត្បូងនៃបរិវេណសកលវិទ្យាល័យវិទ្យាសាស្ត្រសុខាភិបាល នៅផ្លូវព្រះមុនីវង្សក្នុងសង្កាត់ស្រះចកខណ្ឌដូនពេញ។ ពាក់ព័ន្ធនិងករណីបាត់ទូរស័ព្ទដៃគ្រប់ប្រភេទរបស់ក្រុមនិស្សិតសាលាពេទ្យនោះដែរសមត្ថកិច្ចមូលដ្ឋានបានឲ្យថា ជនរងគ្រោះប្រមាណជាង២០នាក់ដែលនាំគ្នាថា អះអាងថា បាត់ទទូរស័ព្ទរបស់ខ្លួននោះដែរគឺ ពួកគាត់បានដាក់ពាក់បណ្ដឹងចំនួន៩នាក់ ដោយបាត់បង់អស់ចំនួន១០គ្រឿង។ ជនរងក្រោះទី១ឈ្មោះកៅ ស្រីម៉ៅ ភេទស្រី អាយុ២២ឆ្នាំ ជាបុគ្គលិកមន្ទីពិសោធន៍ស្នាក់នៅផ្ទះជួលសង្កាត់ទួលស្វាយព្រៃ២ខណ្ឌចំការមន បានបាត់បង់ទូរស័ព្ទម៉ាកIPhone ៥C ទី២ឈ្មោះទៀង បូណារិទ្ធ ភេទប្រុសអាយុ២២ឆ្នាំជាបុគ្គលិកមន្ទីរពិសោធន៍ស្នាក់នៅផ្ទះជួលសង្កាត់បឹងកក់២ខណ្ឌទួលគោកបានបាត់បង់ ទូរស័ព្ទម៉ាកសាំងស៊ុង ណូត ៣ទី៣ឈ្មោះទូច ស្រីពៅ ភេទស្រីអាយុ២៣ឆ្នាំជានិស្សិតពេទ្យស្នាក់ នៅសង្កាត់ទឹកថ្លាខណ្ឌសែនសុខ បានបាត់បង់ទូរស័ព្ទម៉ាកសាំងស៊ុង ណូត ៣ ទី៤ឈ្មោះយុន ចាន់វណ្ណៈភេទស្រីអាយុ២២ឆ្នាំជាបុគ្គលិកមន្ទីរពិសោធន៍ស្នាក់នៅសង្កាត់ស្ទឹងមានជ័យបានបាត់បង់ទូរស័ព្ទដៃសាំងស៊ុងកាឡាកើស៊ីវីន ទៅ៥ឈ្មោះស៊ា សុខហ៊ាង ភេទប្រុសអាយុ២៣ឆ្នាំជានិស្សិតស្នាក់នៅសង្កាត់ទំនប់ទឹកខណ្ឌចំការមន បានបាត់បង់ទូរស័ព្ទម៉ាកIPhone ៥Sទី៦ឈ្មោះមូល សុគន្ធារី ភេទស្រីអាយុ២២ឆ្នាំមុខរបរបុគ្គលិកមន្ទីរពិសោធន៍ស្នាក់នៅសង្កាត់ផ្សារដើមថ្កូវខណៈហឌចំការមនបានបាត់បង់ទូរស័ព្ទម៉ាកណូគារXទី៧ឈ្មោះស៊ាង ស្រី នី ភេទស្រីអាយុ២៣ឆ្នាំជានិស្សិតស្នាកើនៅសង្កាតើទំនប់ទឹកខណ្ឌចំការមនបានបាត់បង់ទូរស័ព្ទដៃម៉ាកIPhone៤ចំនួន៤គ្រឿងនិងទី៨ឈ្មោះកង សារឿន ភេទ ប្រុសអាយុ២៩ឆ្នាំជានិស្សិតស្នាក់នៅសង្កាត់ទឹកថ្លាខណ្ឌសែនសុខបានបាត់បង់ទូរស័ព្ទដៃម៉ាកIPhone៥និងទី៩ឈ្មោះយិន វណ្ណសាយ ភេទស្រីអាយុ២២ឆ្នាំស្នាក់នៅសង្កាត់ទឹកថ្លា ខណ្ឌសែនសុខ បានបាត់បង់ទូរស័ព្ទដៃម៉ាកSingtech ស៊ីមពី។
ក្រុមនិស្សិតរងគ្រោះទាំងអស់គ្នាបានបំភ្លឺប្រាប់សមត្ថកិច្ចថា ដោយសារតែគណៈមេប្រយោគបានតម្រូវមិនអនុញ្ញាតិឲ្យយកទូរស័ព្ទដៃចូលក្នុងការប្រឡងយកក្រប ខណ្ឌនោះនៅថ្ងអាទិត្យនេះទើបពួកគាត់បានទុកទូរស័ព្ទរបស់ខ្លួននៅក្នុងឃ្លុបកែបម៉ូតូហើយជិះចូលផ្ញើ នៅកន្លែងទទួលផ្ញើត្រង់កន្លែងច្រកចូលចំហៀងខាងត្បូងនៃ សកលវិទ្យាល័យវិទ្យាសាស្ត្រសុខាភិបាលលុះពេលប្រឡងចប់ម៉ោងចេញមកវិញមកយកម៉ូតូវិញបើកកែបម៉ូតូមើលដើម្បីយកទូរស័ព្ទដៃ ប្រើប្រាស់ស្រាប់តែបាត់ស្ទើរគ្រប់ៗគ្នាតែម្តងហើយសួរនាំក្រុមសន្តិសុខនិងអ្នកទទួលផ្ញើម៉ូតូ បាននាំគ្នាឆ្លើយប្រកែកថាមិនដឹងឡើយ។ លោកកាន់ វណ្ណៈ មេប៉ុស្តិ៍ស្រះចកបានឲ្យដឹងថា ពាក់ព័ន្ធ និងករណីបាត់ទូរស័ព្ទរបស់ក្រុមនិស្សិតសាលាពេទ្យនេះដែរលោកកំពុងកសាងសំណុំរឿងនេះ ទៅតាមនីតិវិធីដោយនៅព្រឹកថ្ងៃទី២៧ ខែកក្កដា ឆ្នាំ២០១៥នេះលោកបានកោះហៅអ្នកទទួលខុសត្រូវ ក្នុងការទទួលផ្ញើម៉ូតូម្នាក់មកសួរនាំពីករណីនេះ។ ចំណែកកម្មករចំនួន៤ទៅ៥នាក់ទៀតកំពុងហៅសួរនាំបន្តក្នុងករណីនេះ៕
ក្រុមនិស្សិតសាលាពេទ្យពេលចេញពីប្រឡងយកក្របខណ្ឌ ស្រាប់តែបាត់ទូរស័ព្ទដៃច្រើននាក់
0 Comments