សម្តេចប្រធានរដ្ឋសភា និងលោកជំទាវអញ្ជើញប្រគេនទានព្រះវស្សា និងទេយ្យទានដល់វត្តចំនួន ៥៨វត្ត នៅស្រុកពញាក្រែក ខេត្តត្បូងឃ្មុំ

Cambodia News July 25, 2015

ត្បូងឃ្មុំ ៖ នៅវេលាម៉ោង៨និង៣០នាទីព្រឹកថ្ងៃទី២៥ ខែកក្កដានេះ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងលោកជំទាវ អមដំណើរដោយសមាជិក សមាជិការដ្ឋសភា មន្ត្រីថ្នាក់ដឹកនាំថ្នាក់កណ្ដាល និងក្រុមការងារចុះជួយស្រុកពញាក្រែក ខេត្តត្បូងឃ្មុំ ជាច្រើននាក់ទៀត បាននាំយកទានព្រះវស្សា និងទេយ្យទានមួយចំនួនទៅប្រគេនដល់វត្តចំនួន ៥២វត្ត ស្ថិតនៅក្នុងស្រុកពញាក្រែក និងវត្តចំនួន៦ស្ថិតក្នុងឃុំជាច ស្រុកកំចាយមារ ខេត្តព្រៃវែង។

ពិធីនេះបានប្រព្រឹត្តទៅនៅក្នុងបរិវេណវត្តសុវណ្ណរាមហៅ(វត្តថ្កូវ) ឃុំកក់ ស្រុកពញាក្រែក ខេត្តត្បូងឃ្មុំ ដែលក្នុងមួយវត្តទទួលបានទានព្រះវស្សាមួយគូថវិកាកសាងវត្ត ៥០ម៉ឺនរៀលអង្ករ៥០គីឡូក្រាម ស្លាដកមួយអមដោយថវិកា១០ម៉ឺនរៀល ទឹកក្រូច២កេស ទឹកសុទ្ធ២កេសមី២កេស ត្រីខមួយយួរ ទឹកដោះគោ១៤កំប៉ុង ស្ករស៥គីឡូក្រាម តែ២កញ្ចប់ ធូប១ដុំ ទៀនមួយដុំ និងជូនតាជី យាយជី៣០០នាក់ ម្នាក់ៗទទួលបានក្រណាត់ស១ដុំ និងថវិកាមួយម៉ឺនរៀល៕

M25-07-15-a5