ប្រភពពីកន្លែងជីកដីទាំងនោះបានបង្ហើបប្រាប់ថា ជាប់តំបន់ឃាត់ពួកគាត់យល់ហើយតែវាជាប់តិចៗប៉ុណ្ណោះ រឿងហ្នឹងពួកគាត់បាននិយាយគ្នាជាមួយសមត្ថកិច្ចមួយចំនួនរួចរាល់ហើយ ដូច្នេះគាត់មិនមានការព្រួយអារម្មណ៍ និងការជីកយកអាចម៍របស់ពួកគាត់នោះទេ។ ប្រភពដដែលបន្តថា រាល់ថ្ងៃរកស៊ីជីកដីមិនសូវចំណេញនោះទេ ដោយគ្រាន់តែបង់លុយឲ្យគេគឺចង់ដាច់ដើមអស់ទៅហើយ។
ជុំវិញកាលើកឡើងខាងលើនេះដែរលោកសូ ប្លាតុងអភិបាលក្រុងសៀមរាបមិនអាចទាក់ទងសុំការពន្យល់បានទេនៅព្រឹកថ្ងៃទី២៥ ខែកក្កដានេះដោយទូរស័ព្ទរបស់លោកនៅក្រៅតំបន់សេវា។
ចំណែកលោក ស្រីកែវ សុភក្តិ នាយផ្នែករដ្ឋបាលជលផលចុងឃ្នៀសបានឲ្យដឹងថា ករណីនេះលោកបានដឹងហើយតែលោកបានឲ្យកូនចៅរបស់លោកចុះទៅត្រួតពិនិត្យ និងធ្វើរបាយការណ៍មកឲ្យហើយ។ លោកបន្តថា មួយរយះនេះមានការរវល់ច្រើនទើបមិនសូវបានចុះបង្កបទល្មើសផ្សេងៗ។ជាមួយគ្នានេះផងដែរលោកព្រិន្ទ សាវិន នាយខណ្ឌរដ្ឋបាលជលផលខេត្តសៀមរាប មិនអាចទាក់ទងសុំការពន្យល់ពីលោកបានទេ នៅព្រឹកថ្ងៃទី២៥នេះ។
គួរកត់សម្គាល់ផងដែរថា មន្ត្រីរាជការនៅក្នុងខេត្តសៀមរាប ដែលមានតួនាទីនិងការទទួលខុសត្រូវចំពោះការងារថ្នាក់លើចាត់តាំងមក ហាក់ដូចជាមានការឆកល្វែងយ៉ាងខ្លាំង បន្ទាប់ពីគេឃើញមានអាជ្ញាធរខេត្តមួយនេះមានភាពកំសោយចាប់ថ្នាក់ក្រោមរហូតដល់ថ្នាក់លើ គឺមិនសូវអើពើ រឿងបង្ក្រាបបទល្មើសក្នុងតំបន់ព្រៃលិចទឹកនោះទេ ដោយបណ្តែតបណ្តោយឲ្យមានការនេសាទខុសច្បាប់ និងកាប់បំផ្លាញព្រៃលិចទឹកដែលជាជំរកត្រីពងកូនជាដើម។
ជាពិតណាស់រាល់ការបង្ក្រាបម្តងៗបើមិនមានបទបញ្ជាពីថ្នាក់ក្រសួងនោះទេ គឺគេកម្រឃើញមានចាប់ជនល្មើសបានណាស់ ដោយឃើញតែចាប់យកមក ធ្វើការព្រមានប៉ុណ្ណោះ ជាក់ស្តែងបរិស្ថានចាប់ជនល្មើសលួចចូលទៅនេសាទ ក្នុងតំបន់អភិរក្ស នៅស្រុកជីក្រែង កាលពីពេលកន្លងទៅជាដើម បានត្រឹមតែពិន័យ ហើយករណីនេះរឹតតែធ្វើឲ្យជនល្មើសបានចិត្តទៅប្រព្រឹត្តលើសដើម៕
រណ្ដៅដីនៅតំបន់ហាមឃាត់ ត្រូវបានក្រុមឈ្មួញជីកជិតដល់ក្បាលប្រេត ដោយគ្មានឃើញជំនាញអើពើ
0 Comments