ជាតិនិងដើម្បីបុព្វហេតុនារីព្រមទាំងសេចក្ដីត្រូវការចាំបាច់របស់សហគមន៍នារីនៅតាមមូលដ្ឋាន។
អត្ថន័យដ៏មានខ្លឹមសារនេះតាមការបញ្ជាក់ឲ្យដឹងពី សម្ដេចវិបុលសេនាភក្ដី សាយ ជុំ ប្រធានព្រឹទ្ធសភានិងជាអនុប្រធានគណបក្សប្រជាជនកម្ពុជា ក្នុងឱកាសចូលរួម បើកសន្និបាតបូកសរុបការងារសមាគមនារីកម្ពុជា ដើម្បីសន្ដិភាព និងអភិវឌ្ឍន៍ កាលពីថ្ងៃទី២៥ ខែកក្កដាឆ្នាំ២០១៥នៅទីស្នាក់ការកណ្ដាលគណបក្សប្រជាជនកម្ពុជារាជធានីភ្នំពេញ។
សម្ដេច វិបុលសេនាភក្ដី សាយ ជុំ បានបញ្ជាក់ថា សកម្មភាពរបស់នារី បានក្លាយទៅជា កម្លាំងចលករដ៏មានសក្ដានុពល ធំធេង ក្នុងការចលនាកៀងគរកម្លាំង គាំទ្រ ធនធាន ថវិកា និងសម្ភារដើម្បីធ្វើសកម្មភាពបំរើ ផលប្រយោជន៍ លើកកម្ពស់ ស្ថានភាពរបស់ប្រជាពលរដ្ឋ ជាពិសេសស្ដ្រី និងកុមារ។ សកម្មភាពរបស់សមាគមន៍នារីសុទ្ធតែបានចូលរួមចំណែកឆ្លើយតបទៅនិងសេចក្ដីត្រូវការក្នុងជីវភាពរស់នៅរបស់ប្រជាពលរដ្ឋ ដោយយោងទៅតាម និងលទ្ធផលដែលនារីសម្រេចបានជានិច្ចកាល នារីត្រូវបានរាជរដ្ឋាភិបាល យកចិត្តទុកដាក់ និង លើកទឹកចិត្ត។ ជាក់ស្តែងកន្លងមកនារីបានចូលរួម ក្នុងតួនាទី ជាអ្នកដឹកនាំគ្រប់លំដាប់ថ្នាក់ តាំងពីថ្នាក់ជាតិ រហូតដល់ថ្នាក់ក្រោមជាតិ។ សម្តេចបានកោតសរសើរចំពោះកិច្ចខិតខំប្រឹងប្រែងដែលកន្លងមកសមាគមន៍នារីបាន បំរើបុព្វហេតុ រួមតែមួយគឺនារីបាចូលរួមយ៉ាងសកម្មស្មើភាពដើម្បីការពារស្ត្រី និង អភិវឌ្ឍន៍ជាតិ។
ស្ត្រីជាកម្លាំងជាងពាក់កណ្តាល សំរាប់ទ្រទ្រង់ភាពរឹងមាំ និង ប្រសិទ្ធភាពនៃគោលនយោបាយជាតិ នៃរាជរដ្ឋាភិបាលកម្ពុជា ដែលចាំបាច់ត្រូវតែទទួលបានការគោរពសិទ្ធ និង ផ្តល់ ឱកាសបានស័ក្តិសម ដើម្បីមានលទ្ធភាពចូលរួមដោយសមធម៌ ក្នុងគ្រប់ដំណើរការអភិវឌ្ឍន៍។
លោកស្រី មាន សំអាន ប្រធានគណៈចលនាស្ដ្រី នៃគណៈចនាមហាជន និងជាគណៈកម្មាធិការ កណ្ដាល បានបញ្ជាក់ថា ស្ដ្រីមានតួនាទី ភារៈកិច្ចការពារសិទ្ធ និងផលប្រយោជន៍ស្របច្បាប់របស់ស្ដ្រី និងកុមារ លើកកម្ពស់តួនាទី នារីនៅថ្នាក់មូលដ្ឋាន តាមរយៈ ការអប់រំ នារី ឲ្យមានការ ប្រែប្រួលទស្សនៈ ការយល់ដឹងបង្កើន ការជឿជាក់លើខ្លួនឯង និងការធ្វើការសម្រេចចិត្ដនានា។ ចូលរួមលើកកម្ពស់សុខមាលភាពរបស់នារី និងកុមារ ដោយផ្ដល់ការ អប់រំឧបត្ថម្ភគាំទ្រ ជាស្មារតីចំណេះដឹងជំនាញ សម្ភារៈ សមស្របទៅតាមគ្រប់មធ្យោបាយ។
លោកស្រីបន្ដថា ចាប់តាំងពីថ្ងៃ ប្រកាសជាផ្លូវការនៅថ្ងៃទី២៦ ខែកុម្ភៈ ឆ្នាំ២០០៩ គណៈកម្មការ សាខាសមាគមនារីទូទាំងប្រទេស រហូតមកដល់បច្ចុប្បន្នជាលទ្ធផល បានចលនានារីឱ្យ ចូលជាសមាជិកសកម្មនៅគ្រប់បណ្ដាញអង្គភាព ស្ថាប័ននានាក្នុងជួរមន្ដ្រីរាជការ និងបណ្ដាញសហគមន៍ ភូមិ សង្កាត់ ខណ្ឌ មន្ទីរ មានសមាជិកប្រមាណជាង ១៤ ៣៨៥ នាក់ ហើយ។
លោកជំទាវម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភានិងអធិការកិច្ចនិងជាប្រធានសមាគមនារីដើម្បីសន្តិភាពនិងអភិវឌ្ឍទូទាំងប្រទេសកម្ពុជាបានសម្តែងបានការអបអរសាទរចំពោះការដឹកនាំដ៏ឈ្លាសវៃរបស់សម្ដេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកិត្តិយសសមាគមនារីកម្ពុជា ដើម្បីសន្ដិភាព និងអភិវឌ្ឍន៍ទូទាំងប្រទេស។
ក្រោមធុរៈកិច្ចដឹកនាំចង្អុលបង្ហាញដ៏មានប្រសិទ្ធភាពដោយការយកចិត្តទុកដាក់លើកកម្ពស់កិត្តិយសស្ត្រីនេះហើយធ្វើឲ្យស្ត្រីនៅទូទាំងប្រទេសបានខិតខំប្រឹងប្រែងបំពេញសកម្មភាពប្រកបដោយឆន្ទៈ គំនិតច្នៃប្រឌិត និងស្មារតីទទួលខុសត្រូវទាំងការងាររៀបចំរចនាសម្ព័ន្ធនិងពង្រីកបណ្ដុះបណ្ដាលនិងការពង្រឹង សមត្ថភាព ២០១៥ តាមទិសដៅដែលបានគ្រោងទុក។ សកម្មភាពនារីបន្ត ទិសដៅ២០១៦ គណៈចលនានារី ត្រូវជំរុញការចូលរួមរបស់នារី ទាំងសមាជិកក្នុងគ្រួសារ និងសង្គមដើម្បីសមជាត្បូងពេជ្រដ៏មានតំលៃរបស់ប្រទេសជាតិ។
លោកជំទាវម៉ែន សំអន ក៏បានបញ្ជាក់បន្ថែមទៀតថា ដើម្បីអនុវត្ដរាល់ភារកិច្ចដែលសមាគមនារី របស់យើងទទួលបានជោគជ័យបន្ដនាឆ្នាំ២០១៥នេះ បងប្អូននារីទាំងអស់ត្រូវបន្ដសិក្សាស្វែងយល់ អំពីកម្មវិធីនយោបាយរបស់គណបក្សប្រជាជនឆ្នាំ២០១៥ ដល់ឆ្នាំ ២០១៦ គាំទ្រការអនុវត្ដ គោលនយោបាយចាស់សកម្មភាពថ្មីលើវិស័យដីធ្លី ដែលជួយដោះស្រាយទំនាស់ដីធ្លីទាំងស្រុង និងបង្កើនភាពជឿជាក់របស់ប្រជាពលរដ្ឋ ដល់បក្សនិងផែនការសកម្មភាពរបស់ សមាគមនារី ដើម្បីបន្ដពង្រឹងការអនុវត្ដច្បាប់ ស្ដីពី ការទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះ និងច្បាប់ស្ដីពីការបង្ក្រាបអំពីជួញដូរ មនុស្ស និងការធ្វើអាជីវកម្មលើផ្លូវភេទ។
ត្រូវបន្ដសហការឲ្យល្អជាមួយសហភាពសហព័ន្ធយុវជនកម្ពុជា ត្រូវចុះមូលដ្ឋានឲ្យបានជាប់ ក្តាប់សភាពការណ៍ឲ្យបានទាន់ពេលវេលា ពិសេសជួយដោះស្រាយការលំបាក របស់ប្រជាពលរដ្ឋ ជាកត្តាសំខាន់។
គួរបញ្ជាក់ថា ដោយមើលឃើញសកម្មភាពដ៏សកម្មក្លៀវក្លារបស់សមាគមនារីក្នុងការចូលរួមចំណែកអភិវឌ្ឍន៍ប្រទេសជាតិនិងគោលនយោបាយកាត់បន្ថយភាពក្រីក្រនេះហើយទើបសម្ដេចតេជោនិងសម្ដេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនតែងតែយកចិត្តទុកដាក់គិតគូរដល់តម្លៃស្ត្រីទាំងស្មារតីកម្លាំងកាយចិត្តនិងថវិកាជារៀងរហូតមក។
ជាក់ស្ដែងនៅថ្ងៃប្រារព្ធពិធីនេះសម្ដេចកិត្តិព្រឹទ្ធបណ្ឌិតប៊ុនរ៉ានីបានផ្ដល់ថវិកាផ្ទាល់ខ្លួនចំនួន៤លានរៀលដល់សមាគមនារីដើម្បីជួបជុំគ្នាពិសារអាហារសាមគ្គី៕
សមាគមនារីកម្ពុជាដើម្បីសន្ដិភាពនិងអភិវឌ្ឍន៍ទូទាំងប្រទេសជាកម្លាំងចលករ
0 Comments