ភ្នំពេញ ៖ សន្តិសុខបូរីប៉េងហួតម្នាក់បានស្លាប់នៅមន្ទីរពេទ្យកាល់ម៉ែតនៅវេលាម៉ោង៦ព្រឹកថ្ងៃទី២៥ ខែកក្កដា ឆ្នាំ២០១៥ បន្ទាប់ពីមានជម្លោះជាមួយក្រុមក្មេងស្ទាវមួយក្រុមកាលពីវេលាម៉ោង៩យប់ថ្ងៃទី២៤ ខែកក្កដា នៅតាមបណ្ដោយផ្លូវជាតិលេខ៦ ស្ថិតក្នុងភូមិខ្ទរ សង្កាត់ព្រែកលាប ខណ្ឌជ្រោយចង្វារ។
សេចក្ដីរាយការណ៍បានឲ្យដឹងថា មុនពេលកើតហេតុ ក្រុមក្មេងស្ទាវមួយក្រុមបានដេញវាយគ្នា ហើយក្រុមបក្ខពួកម្ខាងទៀតបានរត់ចូលក្នុងបុរីប៉េងហួតដើម្បីឲ្យសន្តិសុខបូរីជួយ ពេលនោះសន្តិសុខបានបិទទ្វារ បុរីចំណែកបក្ខពួក ជនបង្កក៏បានត្រឡប់ទៅវិញប៉ុន្តែមួយសន្ទុះក្រោយមក ភាគីបង្កក៏ត្រឡប់មកវិញម្តងទៀតមានដំបងគ្រប់ដៃវាយសន្តិសុខក្នុងបូរីបណ្ដាលឲ្យរងរបួសយ៉ាងធ្ងន់ធ្ងរ ហើយត្រូវក្រុមសន្តិសុខក្នុងបុរីចេញមកជួយដេញរត់ចោលម៉ូតូចំនួន៣ គ្រឿង ម៉ាកស្កុបពី១មួយគ្រឿង សេ១២៥ស៊េរីឆ្នាំ២០១៥មួយគ្រឿង និងម៉ាកគុបមួយគ្រឿង។ ចំណែកជនរងគ្រោះ ត្រូវគេបញ្ជូនទៅសង្គ្រោះនៅមន្ទីរពេទ្យកាល់ម៉ែត។ ក្រោយមក ជនរងគ្រោះបានស្លាប់នៅវេលាម៉ោង៦ព្រឹកថ្ងៃទី២៥ ខែកក្កដា ឆ្នាំ២០១៥នេះ។
បន្ទាប់ពីដឹងថា ជនរងគ្រោះស្លាប់ សមត្ថកិច្ចបានស្រាវជ្រាវចាប់ក្រុមជនដៃដល់បាន២នាក់ កាលពីវេលាម៉ោង១២ថ្ងៃទី២៥នៅភូមិថ្មីសង្កាត់ព្រែកតាសេកខណ្ឌជ្រោយចង្វា។
ជនសង្ស័យទី១ ឈ្មោះ ឌីធារិទ្ធ ភេទប្រុសអាយុ២៤ឆ្នាំនិងម្នាក់ទៀតឈ្មោះ ធី រើន ភេទប្រុសអាយុ២១ឆ្នាំ រស់នៅកន្លែងចាប់ខាងលើ ចំណែកជនសង្ស័យ២នាក់ទៀតបានរត់គេចខ្លួនបាត់។ រីឯជនរងគ្រោះឈ្មោះ អឹម ឌីកាណាល្ក ភេទប្រុសអាយុ២៥ឆ្នាំ មានទីលំនៅឃុំ ស្រុក ខេត្តស្ទឹងត្រែង៕
ជនសង្ស័យ២នាក់ក្នុងចំណោមបក្ខពួក៤នាក់ត្រូវសមត្ថកិច្ចចាប់ខ្លួន
0 Comments