នេះជាលើកទី១ហើយដែលតារាសម្ដែង និងជាអ្នកចម្រៀង កញ្ញា ពេជ្រ សូលីកា បានសម្រេចចិត្តចេញមុខទម្លាយប្រាប់អាថ៌កំបាំងដ៏រសើបជុំវិញការសាងសម្ពន្ធភាពស្នេហាលួចលាក់មានរយៈពេល២ឆ្នាំ ជាមន្ត្រីផ្កាយ២ខាងលើ។
ភាពភ្ញាក់ផ្អើលនេះបានកើតឡើងភ្លាមៗ ខណៈដែលត្រូវបានក្រុមអ្នកនិយមចូលចិត្តលេងបណ្ដាញសង្គមហ្វេសប៊ុកបានចែករំលែកបន្តយ៉ាងព្រោងព្រាតនូវព័ត៌មានដ៏ភ្ញាក់ផ្អើលមួយនេះទាក់ទងនឹងការសរសេរបង្ហោះសាររៀបរាប់បង្ហាញពីអារម្មណ៍ឈឺចាប់ពីសំណាក់កញ្ញា ពេជ្រ សូលីកា តែគេក៏មិនដឹងថា ការបង្ហោះនេះក្នុងចេតនាពិតដែលធ្វើឡើងដោយសាមីខ្លួន ពេជ្រ សូលីកា ឬគ្រាន់តែជាការក្លែងបន្លំដើម្បីបង្កាច់បង្ខូចកេរ្តិ៍ឈ្មោះរបស់នាងនោះឡើយ។
នៅក្នុងអត្ថន័យខ្លឹមសារដែលត្រូវបានគេប្រទះឃើញបង្ហោះនៅលើបណ្ដាញសង្គមហ្វេសប៊ុកដែលមានឈ្មោះAccount ពេជ្រ សូលីដា នោះបានសរសេរថា រស់នៅជាមួយគ្នា២ឆ្នាំបានត្រឹមតែឈឺចាប់ រងការមាក់ងាយ ប្រច័ណ្ឌឥតស្រាកស្រាន្ត តាមដានឥតឈប់ឈរ សូម្បីតែឡាន១គ្រឿង ក៏ដកហូតវិញទៀត។
នេះពិតជារឿងមួយដ៏គួរឲ្យភ្ញាក់ផ្អើលខ្លាំងណាស់ដែលនៅសុខៗតារាស្រី នាង ពេជ្រ សូលីកា បែរជាចេញមុខរៀបរាប់បង្ហាញពីអារម្មណ៍ឈឺចាប់ផ្ទាល់ខ្លួន ខណៈដែលនៅក្នុងសារនោះក៏មានភ្ជាប់អមទៅដោយរូបថតរបស់នាងជាមួយបុរសម្នាក់ក្នុងឯកសណ្ឋានមន្ត្រីផ្កាយ២ផងដែរ។
យ៉ាងណាមិញ គេនៅពុំទាន់ដឹងច្បាស់ទេថា តើម្ចាស់Account ដែលបានសរសេររៀបរាប់ខាងលើនេះពិតជារបស់កញ្ញា ពេជ្រ សូលីកា ពិតប្រាកដមែន ឬក៏អត់នោះទេ? ខណៈនៅព្រឹកថ្ងៃទី២២ ខែកក្កដា ឆ្នាំ២០១៥នេះ កម្ពុជាថ្មី មិនទាន់អាចស្វែងរកការបកស្រាយពីតារាស្រីវ័យក្មេង កញ្ញា ពេជ្រ សូលីកា បាននៅឡើយទេ។ ដូច្នេះកម្ពុជាថ្មីរង់ចាំស្វាគមន៍ជានិច្ចចំពោះការចេញមុខបំភ្លឺពីសំណាក់ កញ្ញា ពេជ្រ សូលីកា ជុំវិញបញ្ហា នៃការបែកធ្លាយដំណឹងដ៏រសើបខាងលើ ដើម្បីឲ្យមហាជនអស់មន្ទិល៕
ពេជ្រ សូលីកា ទម្លាយសារឈឺចាប់ ក្រោយគូស្នេហ៍ផ្កាយ២ដកយករថយន្តវិញ
0 Comments