បន្ទាប់ពីតួឯកស្រី និងតួឯកប្រុស ២នាក់ ក្នុងរឿង《ទេពឥន្ទ្រីយ៍បក្សីស្នេហ៍》គឺលោក Chen xiao និង កញ្ញា Michelle Chen បានបង្កាត់ភ្លើងស្នេហ៍ក្រៅរឿង និងបានប្រកាសទំនាក់ទំនង ស្នេហាកន្លងមក រហូតមកដល់ យប់ម្សិលមិញនេះ ស្រាប់តែគេក៏បានលិចឫព័ត៌មាន ពីសំណាកមិត្តអ្នកលេង តាមបណ្តាញអ៊ិនធឺណែត មួយថា កញ្ញា Michelle Chen មានផ្ទៃពោះហើយ ប៉ុន្តែព័ត៌មាននេះត្រូវបាន ក្រុមហ៊ុន ធ្វើការបដិសេធ។
តាមប្រភពព័ត៌មាននៅប្រទេសចិន បានអោយដឹង កាលពីយប់ថ្ងៃទី៣០ កន្លងទៅនេះ មានមិត្តអ្នកលេង តាមបណ្តាញអ៊ិនធឺណែតម្នាក់ បានចែកចាយ និងបង្ហោះព័ត៌មានថា កញ្ញា Michelle Chen មានផ្ទៃពោះ ជាមួយលោក Chen xiao ហើយ ថែមទាំងបានសរសេរថា “នាងថតកុន ថតកុន រហូតធ្វើដល់ថ្នាក់នេះ ហើយបានសុំច្បាប់ ទៅមន្ទីរពេទ្យពិនិត្យទៀត ធ្វើអោយមិត្តរួមការងារ របស់នាងបារម្ភគ្រប់គ្នា” ។
ក្រោយពីបានឃើញមិត្តអ្នកលេង តាមបណ្តាញអ៊ិនធឺណែត ម្នាក់នោះបានបង្ហោះព័ត៌មាននេះ មិនយូរប៉ុន្មានផង មហាជនជាច្រើនកុះករ ក៏បាននាំគ្នាចែកចាយ ពាសពេញបណ្តាញសង្គមនានា ថែមទាំងបានបញ្ចេញ មតិយោបល់ជាច្រើន ដោយអ្នកខ្លះបានសរសេរថា “គាប់ជួនរហូតដល់ស្នាក់នៅបន្ទប់ជាមួយគ្នា បើមិនមានទើបចម្លែក”។
ដោយឡែក ទោះបីជាព័ត៌មាននេះ បានធ្វើអោយមហាជន មានមន្ទិលសង្ស័យយ៉ាងណាក៏ដោយ ក៏ក្រុមហ៊ុនរបស់កញ្ញា Michelle Chen បានធ្វើការបដិសេធ និងបានថ្លែងបញ្ជាក់ ប្រាប់អ្នកសារព័ត៌មានថា “ព័ត៌មានឆ្កួតៗ ដែលបានចែកចាយនេះ វាមិនមែនជារឿងពិតនោះទេ ហើយរយៈពេលនេះកញ្ញា Michelle Chen មានសុខភាពណាស់ អរគុណអ្នកទាំងអស់គ្នា ដែលយកចិត្តទុកដាក់”៕
តួ 《សៀវ ឡុងនី》 មានផ្ទៃពោះជាមួយ តួ 《យ៉ាងគួ》 ក្រៅរឿង《ទេពឥន្ទ្រីយ៍បក្សីស្នេហ៍》 ?
0 Comments