នៅក្នុងអត្ថន័យខ្លឹមសារនេះដែរ ត្រូវបានម្ចាស់Account ឈ្មោះ Leap Samnang សរសេរបង្ហោះនោះបានធ្វើការរិះគន់ វាយប្រហារដោយមិនសំចៃមាត់ និងមិនក្រែងចិត្តតារាចម្រៀងរូបនេះថា មុខដូចជ្រូក ស្រែកដូចគោ ធ្វើស្តាយិ៍ដូចឯងហ្នឹងច្រៀងពីរោះណាស់ យ៉ាប់….។
តាមរយៈសារខ្លីបង្កប់អត្ថន័យជេរប្រមាថ និងវាយប្រហារចំៗទៅលើតារាចម្រៀងលោក អ៊ីណូ រឿងសំឡេង ព្រមទាំងការលេងស្តាយិ៍ខ្លួនពេលឡើងច្រៀងលើឆាកប្រគំតន្ត្រីទូរទស្សន៍ប៉ុស្តិ៍អាស៊ីអាគ្នេយ៍ កាលពីកន្លងទៅនេះ គេនៅមិនទាន់ដឹងទេថា តើម្ចាស់Account ម្នាក់នេះធ្វើឡើងក្នុងចេតនាអ្វីនោះទេ?
ទន្ទឹមគ្នានេះ បន្ទាប់ពីរងនូវពាក្យសម្ដីរិះគន់ដោយមិនសំចៃមាត់ពីសំណាក់ម្ចាស់ account ខាងលើភ្លាមៗនេះដែរ គេក៏សង្កេតឃើញលោក អ៊ីណូ ហាក់មានការក្តៅក្រហាយខ្លាំងនៅក្នុងចិត្តព្រោះតែទទួលយកមិនបាននូវពាក្យសម្ដីអសុរោះទាំងនេះនឹងបានចេញមុខសរសេរថា សូមទោស ! Leap Samnang មុនលោកសរសេរជេរដៀលខ្ញុំ….សុំគិតផង ព្រោះបទនេះជាបទប្រើសំឡេងស្រែកខ្លាំង…..។
នៅរសៀលថ្ងៃទី០៤ ខែសីហា ឆ្នាំ២០១៥នេះ កម្ពុជាថ្មីមិនអាចសុំការបកស្រាយជុំវិញការរិះគន់ខាងលើពីតារាចម្រៀងលោក អ៊ីណូ បានទេ។ ដូច្នេះយើងសង្ឃឹមថា ក្រោយពីឃើញព័ត៌មាននេះហើយលោក អ៊ីណូ នឹងចេញមុខបំភ្លឺចំពោះការរិះគន់នេះ។ កម្ពុជាថ្មី រង់ចាំស្វាគមន៍នូវការបកស្រាយរបស់លោក៕
អ៊ីណូ ត្រូវអ្នកលេងហ្វេសប៊ុករិះគន់ស្ពឹកមុខ
0 Comments