ភ្នំពេញ ៖ យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់ឲ្យដឹងថា កាលពីថ្ងៃទី១២ ខែសីហា ឆ្នាំ២០១៥ មានហេតុការណ៍គ្រោះថ្នាក់ចរាចរណ៍នៅទូទាំងប្រទេសកើតឡើងចំនួន ៤លើក ក្នុងនោះយប់ ៣លើក, បណ្តាលឲ្យមនុស្សស្លាប់ ២នាក់ (ប្រុស) រងរបួសធ្ងន់ ៤នាក់ (ប្រុស) និងរបួសស្រាល ២នាក់ (ប្រុស)។
ប្រភពព័ត៌មានដដែលប្រាប់បន្តថា នៅក្នុងករណីគ្រោះថ្នាក់ចរាចរណ៍ទាំង ៤លើកនេះ បានបង្កឲ្យមានការខូចខាតយានយន្តសរុប ៧គ្រឿង ក្នុងនោះមានម៉ូតូចំនួន ៦គ្រឿង, និងរថយន្តធុនតូច ១គ្រឿង។
យោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា កាលពីថ្ងៃទី១២ ខែសីហា ឆ្នាំ២០១៥ មូលហេតុដែលបណ្ដាលឲ្យកើតមានហេតុការណ៍គ្រោះថ្នាក់ចរាចរណ៍ រួមមាន ល្មើសល្បឿន ១លើ និងប្រជែងគ្រោះថ្នាក់ ៣លើក។ ចំពោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន ៨នាក់ (យប់៧នាក់)៕
គ្រោះថ្នាក់ចរាចរណ៍ថ្ងៃទី១២ ខែសីហា កើតឡើង៤លើក ស្លាប់២នាក់ រងរបួសធ្ងន់និងស្រាល៦នាក់
0 Comments