កែប ៖ លោក កែន សត្ថាអភិបាលខេត្តកែប បានជំរុញឲ្យមន្ត្រីផ្តល់សេវាក្នុងការធ្វើអត្តសញ្ញាណប័ណ្ណដល់ប្រជាពលរដ្ឋឲ្យឆាប់រហ័ស និងហាមមិនឲ្យទារកម្រៃលើសពីការ កំណត់តម្លៃរបស់ក្រសួងមហាផ្ទៃ។
ការជំរុញរបស់លោកអភិបាលខេត្តកំពតបែបនេះ ក្នុងកិច្ចប្រជុំស្ដីពីការផ្ដល់អត្តសញ្ញាណប័ណ្ណសញ្ជាតិខ្មែរជូនដល់ប្រជាពលរដ្ឋឲ្យឆាប់រហ័ស កាលពីល្ងាចថ្ងៃទី១៩ ខែសីហាឆ្នាំ ២០១៥នេះ។
បើតាមប្រសាសន៍របស់ឯកឧត្តមអភិបាលខេត្តកែបបានឲ្យដឹងថា អាជ្ញាធរខេត្តនឹងផ្តល់អត្តសញ្ញាប័ណ្ណជូនប្រជាពលរដ្ឋប្រមាណ ២៨ពាន់ នាក់នៅទូទាំងខេត្តកែប។
ជាមួយគ្នានេះដែរ លោកអភិបាលខេត្ត បានជំរុញមេឃុំមេភូមិ ស្រង់ស្ថិតិចំនួនប្រជាពលរដ្ឋ ដែលមានឯកសារ គ្រប់គ្រាន់ និងខ្វះឯកសារឲ្យបានច្បាស់លាស់ ងាយស្រួលដល់ មន្ត្រីជំនាញរៀបចំផ្តល់ឲ្យបានឆាប់រហ័ស។
ក្នុងកិច្ចប្រជុំនោះ ឯកឧត្តម កែន សត្ថាបានព្រមានមន្ត្រីដែលផ្តល់អត្តសញ្ញាណដល់ប្រជាពលរដ្ឋ កុំទារកម្រៃលើសពីការកំណត់ របស់ក្រសួងមហាផ្ទៃព្រោះថា មន្ត្រីដែលចុះ ផ្តល់អត្តសញ្ញាប័ណ្ណ ក្រសួងមហាផ្ទៃបានផ្តល់ប្រាក់កម្រៃរួចហើយ។
ក្រៅពីការផ្តល់សេវាល្អក្នុងការធ្វើអត្តសញ្ញាណប័ណ្ណ ឯកឧត្តមអភិបាលខេត្តបានស្នើមន្ត្រីមូលដ្ឋានផ្តល់សេវាក្នុងការធ្វើសំបុត្រអាពាហ៍ពិពាហ៍ សំបុត្រកំណើត សៀវភៅស្នាក់នៅ ជាដើម ឲ្យបានឆាប់រហ័ស ដើម្បីកុំប្រជាពលរដ្ឋថ្នាំងថ្នាក់ ជាមួយថ្នាក់ដឹកនាំ៕
អភិបាលខេត្តកែបជំរុញឲ្យមន្ត្រីផ្តល់សេវា ក្នុងការធ្វើអត្តសញ្ញាណប័ណ្ណដល់ប្រជាពលរដ្ឋ
0 Comments