សមត្ថកិច្ចមូលដ្ឋានបានឲ្យដឹងថា ជនសង្ស័យដែលឃាត់ខ្លួននេះឈ្មោះជា ងួនប៊ុន ភេទប្រុសអាយុ៣០ឆ្នាំស្នាក់នៅផ្ទះជួល នៅផ្លូវលេខ៨៦ក្នុងសង្កាត់ស្រះចកខណ្ឌដូនពេញត្រូវបានដកហូតវត្ថុតាងថ្នាំញៀនមួយកញ្ចប់ធំ និងម៉ូតូមួយគ្រឿងម៉ាកគុបជ្រុងC៥០ រួមទាំងទូរស័ព្ទ២គ្រឿងនិងលុយ២ម៉ឺនរៀល។
សមត្ថកិច្ចមូលដ្ឋានបានបន្តទៀតថា នៅមុនពេលឃាត់ខ្លួនជនសង្ស័យរូបនោះ គឺកម្លាំងនគរបាលប៉ុស្តិ៍ស្រះចកបានចេញល្បាតនៅក្នុងមូលដ្ឋានដើម្បីទប់ស្កាត់រាលបទល្មើសផ្សេងៗនោះលុះមកដល់ចំណុចបារទន្លេសាបស្រាប់តែជួបប្រទះឃើញជនសង្ស័យម្នាក់កំពុងឈប់ម៉ូតូដោយមានការសង្ស័យក៏ហៅសួរនាំនិងឆែកឆេរឃើញមានលាក់ទុកថ្នាំញៀនប្រភេទម៉ាទឹកកកមួយកញ្ចប់ធំដែលមានបំណងដើម្បីចែកចាយបន្តទៀតនោះក៏ឃាត់ខ្លួនដើម្បីកសាងសំណុំរឿងបញ្ជូនទៅតុលាការ៕
នគរបាលប៉ុស្តិ៍ស្រះចកឃាត់ខ្លួនជនសង្ស័យជួញដូរគ្រឿងញៀនម្នាក់ ដកហូតម៉ាទឹកកកមួយកញ្ចប់ធំ
0 Comments