ការជួបគ្នានៅលើសង្វៀន MGM Grand Garden Arena នឹងមើលឃើញអ្នកប្រដាល់អាមេរិកម្នាក់នេះឡើងសង្វៀនជាមួយនឹងប្រវត្តិមិនដែលចាញ់សោះ ក៏ដូចជាជាជំរុញឲ្យលោកខិតទៅរកព្រឹត្តិការណ៍សំខាន់ឈ្នះទាំង៥០លើក។
សូមបញ្ជាក់ថា គូប្រកួតរបស់ Floyd លើកនេះ គឺជាកីឡាករកូនកាត់ហៃទី-អាមេរិក ហើយកីឡាករវ័យ៣១ឆ្នាំរូបនេះ មានប្រវត្តិមិនធម្មតានោះឡើង ពោលគឺធ្លាប់ឡើងសង្វៀនបាន៣៣លើក ឈ្នះ៣០លើក មិនដែលស្មើ ហើយចាញ់តែ៣លើកប៉ុណ្ណោះ ហើយព្រមទាំងផ្ដួលដៃគូឲ្យសន្លប់បានចំនួន២៣ដងផងដែរ។
ទោះបីជាយ៉ាងណាក៏ដោយ វាអាចជាការប្រកួតលើកចុងក្រោយហើយ សម្រាប់កីឡាករ Floyd ដោយហេតុថាកីឡាករវ័យ៣៨ឆ្នាំម្នាក់នេះ ធ្លាប់បានអះអាងរួចទៅហើយ ក្រោយពីប្រកួតឈ្នះ Manny Pacquiao កាលពីខែឧសភាកន្លងទៅ។
លោកធ្លាប់បាននិយាយថា ការប្រកួតចុងក្រោយរបស់ខ្ញុំគឺនៅខែកញ្ញា បន្ទាប់មកជាពេលដែលលោកត្រូវចូលនិវត្តន៍។ លោកបន្តទៀតថា អ្នករាល់គ្នាដឹងច្បាស់ហើយថា លោកមានវ័យជិត៤០ឆ្នាំ ហើយបានប្រកបអាជីពក្នុងវិស័យកីឡានេះអស់ពេល១៩ឆ្នាំមកហើយដែរ ដូច្នេះ វាគួរដល់ពេលដែលត្រូវបញ្ចប់ហើយ៕
Floyd Mayweather ជួបជាមួយ Andre Berto នៅថ្ងៃទី១២ កញ្ញា ខាងមុខ
0 Comments