ភ្នំពេញ ៖ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រីរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានទទួលជួបពិភាក្សាការងារជាមួយលោក Nuttavudh PHOTISARO ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រថៃឡង់ដ៏ ប្រចាំនៅព្រះរាជាណាចក្រកម្ពុជា កាលពីល្ងាចថ្ងៃទី១៧ខែសីហាឆ្នាំ២០១៥នៅទីស្តីគណៈរដ្ឋមន្ត្រី។
លោក ឯក ថា អនុប្រធាននាយកដ្ឋានព័ត៌មានទីស្តីការគណៈរដ្ឋមន្ត្រីបានប្រាប់អ្នកសារព័ត៌មានឲ្យដឹងក្រោយជំនួបពិភាក្សានោះថាលោកឯកអគ្គរាជទូតថៃបានមានប្រសាសន៍លើកឡើងអំពីទំនាក់ទំនងល្អរវាងប្រទេសទាំងពីរកម្ពុជាថៃ។ ទន្ទឹមនឹងនោះលោកឯកអគ្គរាជទូតថៃ បានគូសបញ្ជាក់ថា ប្រទេសថៃមានបំណងបង្កើនកិច្ចសហប្រតិបត្តិការលើវិស័យ សង្គម កសិកម្ម ជាមួយប្រទេសកម្ពុជាដោយក្នុងនោះរាប់បញ្ចូលទាំងការជួយបណ្តុះបណ្តាល ហ្វឹកហ្វឺនផ្នែកបច្ចេកវិទ្យាវិស័យកសិកម្មផងដែរ។ បន្ថែមពីលើនេះ លោកទូតថៃបានប្រាប់ថា មានក្រុមហ៊ុនអាកាសចរថៃមួយមានបំណងសុំការអនុញ្ញាតពីរាជរដ្ឋាភិបាលកម្ពុជាដើម្បីសុំការហោះហើរត្រង់ពីថៃមកកាន់ខេត្តសៀមរាបនិងពីសៀមរាបទៅខេត្តភូកេត ប្រទេសថៃ។
ជាការឆ្លើយតបឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីបានមានប្រសាសន៍សំដែងការស្វាគមន៍ដែលភាគីថៃមានបំណងបង្កើនកិច្ចសហប្រតិបត្តិការជាមួយកម្ពុជាលើផ្នែកសង្គម កសិកម្ម ព្រោះថា ប្រទេសកម្ពុជាមានសក្តានុពលខ្ពស់លើវិស័យកសិកម្មស្រាប់។ ដោយឡែកទាក់ទងនឹងការហោះហើរត្រង់របស់ក្រុមហ៊ុនថៃមកកាន់ខេត្តសៀមរាបនោះ កម្ពុជាកំពុងតែពិនិត្យមើលលើការស្នើសុំ ប៉ុន្តែយើងមិនទាន់ធ្វើសេចក្តីសម្រេចនៅឡើយទេ។ តែទោះបីជាយ៉ាងណាវាជាសញ្ញាមួយដែលបង្ហាញអំពីភាពរីកចម្រើនលើវិស័យទេសចរណ៍នៅក្នុងព្រះរាជាណាចក្រកម្ពុជា៕
លោកទូតថៃ Nuttavudh PHOTISAROជួបពិភាក្សាការងារជាមួយឯកឧត្តមបណ្ឌិតសភាចារ្យ សុខ អាន
0 Comments