កីឡាករ Sergio Ramos បាននិយាយថា រូបលោកមិនធ្លាប់ដែលចង់ចាកចេញពីក្លិបអធិរាជស Real Madridម្តងណាឡើយ ថ្វីត្បិតតែមានចំណាប់អារម្មណ៍ពីក្លិបបិសាចក្រហម Man Utdកាលពីពេលថ្មីៗនេះក៏ដោយ។
សូមបញ្ជាក់ថា ខ្សែការពារសញ្ជាតិអេស្ប៉ាញវ័យ២៩ឆ្នាំម្នាក់នេះ បានចុះហត្ថលេខាលើកិច្ចព្រមព្រៀងថ្មីរយៈពេល៥ឆ្នាំរបស់គាត់ កាលពីថ្ងៃចន្ទកន្លងទៅ ដើម្បីចងជើងរូបលោកជាប់នៅក្នុងទឹកដី Santiago Bernabeuរហូតដល់ឆ្នាំ២០២២។
ដោយឡែក ក្លិប Man Utdបានដាក់តម្លៃដេញថ្លៃ២៨.៦លានផោន សម្រាប់កីឡាករឈ្នះពាន់រង្វាន់បាល់ទាត់ពិភពលោក World Cupម្នាក់នេះផងដែរ ប៉ុន្តែត្រូវបានគេទាត់ចោលកាលពីថ្ងៃខែមិថុនា កន្លងទៅ ខណៈដែលកិច្ចព្រមព្រៀងរបស់គាត់ជាមួយក្លិប Real Madridត្រូវបានជាប់គាំងនោះ។
ទោះបីជាយ៉ាងណាក៏ដោយ ពេលនេះ ក្លិប Man Utdទំនងជាលែងចង់បានខ្សែការពារទៀតហើយមុនពេលដែលទីផ្សារកីឡាករត្រូវបិទទ្វារក្នុងពេលបន្តិចទៀតនេះ ខណៈដែលអ្នកចាំទី David De Gea ដែលជាគោលដៅចង់បានរបស់ក្លិប Real Madridទំនងជាត្រូវបន្តនៅលេងតទៅទៀតនោះ។ ទីផ្សារកីឡាករបច្ចុប្បន្ន នឹងត្រូវបិទទ្វារនៅថ្ងៃទី១ កញ្ញាខាងមុខនេះ។
កីឡាករ Ramos ដែលធ្លាប់រកបានគ្រាប់ស្មើនៅម៉ោងគ្រោះថ្នាក់ អំឡុងពេលដែលក្រុម Real Madridទាត់ជាមួយក្រុម Atletico Madrid នៅការប្រកួតវគ្គផ្តាច់ព្រ័ត្រ Champions Leagueឆ្នាំ២០១៤នោះ ទទួលបានការតែងតាំងផងដែរជាជាប្រធានក្រុមថ្មី ក្រោមការដឹកនាំរបស់លោក Rafael Benitez ក្រោយពេលដែលអ្នកចាំទី Iker Casillasចាកចេញទៅកាន់ក្លិប Portoរួចមកនោះ៕
កីឡាករ Sergio Ramos ៖ ខួរក្បាលរបស់លោកនៅជាមួយក្លិប Real Madridជានិច្ច
0 Comments