តារាសម្តែងខ្មែរសំខាន់ៗនៅក្នុងរឿង “សង្គ្រាមបងប្អូន” មានលោក ខាត់ វ៉ៃហាំង កញ្ញា ថន ស្រីណៃ លោកទេពរិន្ទដារ៉ូ រីឯតារាសម្តែងល្បីឈ្មោះមកពីហ្វីលីពីនដែលបានចូលរួមសម្តែងក្នុងរឿងនេះមានលោក Mikael Daez និងកញ្ញា Andrea Torres បានចូលរួមពិធីសម្ពោធដាក់បញ្ចាំងនេះដោយអមជាមួយនឹងការធ្វើដំណើរលើកម្រាលព្រំពណ៌ក្រហមអបដោយរថយន្តទំនើបៗដែលបង្កើតឲ្យមានការចាប់អារម្មណ៍ខ្លាំង។ ខ្សែភាពយន្តនេះដឹកនាំសម្តែងដោយលោក Ken Simpson ជនជាតិកាណាដានិងផលិតដោយផលិតកម្មភូមិពេជ្រភាពយន្ត។
លោក ដើង ពុទ្ធពណ៌ចាងហ្វាងផលិតកម្មភូមិពេជ្រភាពយន្តបានបញ្ជាក់ថា “សង្គ្រាមបងប្អូន” បានបង្កើតឲ្យមានការចាប់អារម្មណ៍ថ្មីសម្រាប់អ្នកទស្សនាព្រោះតែសាច់រឿងថ្មីប្លែងមិនធ្លាប់មាន រួមទាំងបច្ចេកទេសផលិតខ្ពស់ និងតារាសម្តែងនៃប្រទេសហ្វីលីពីន និងកម្ពុជាបានចូលរួមសម្តែងជាមួយគ្នា។
លោកថា ក្រោយពីដាក់បញ្ចាំងនៅកម្ពុជារយៈពេល១៥ថ្ងៃខ្សែភាពយន្តនេះនឹងនាំយកទៅបញ្ចាំងនៅរោងភាពយន្តប្រទេសហ្វីលីពីន និងប្រទេសមួយចំនួនទៀតដែលបណ្តាញផ្សព្វផ្សាយGMA7របស់ប្រទេសហ្វីលីពីនបានសហការជាមួយ។ លោកថា វាគឺជាក្តីស្រមៃរបស់លោកនិងសិល្បករដទៃទៀតដែលចង់ឃើញវត្តមានខ្សែភាពយន្តខ្មែរ និងទិដ្ឋភាពនៃប្រទេសកម្ពុជាត្រូវបានផ្សព្វផ្សាយចេញទៅបរទេស។ លោកបញ្ជាក់ថា ខ្សែភាពយន្តនេះបានបង្ហាញពីការប្រយុទ្ធគ្នារវាងបងប្អូនពីរូបដែលមានឪពុកតែមួយម្តាយផ្សេងគ្នាមានការប៉ះទង្គិចគ្នារវាងស្នេហានិងការប្រយុទ្ធរបស់អ្នកទាំងពីរ។ ពិសេសរឿងនេះបានបង្ហាញពីសិល្បៈនៃការប្រយុទ្ធក្បាច់គុណល្បុក្កតោខ្មែរផងដែរ។
លោករំពឹងថា ខ្សែភាពយន្តដែលសហការផលិតជាទ្រង់ទ្រាយធំខ្នាតអន្តរជាតិនេះនឹងទទួលបានការគាំទ្រច្រើនពីទស្សនិកជនទាំងក្នុងនឹងក្រៅស្រុក។ លោកទេព រិន្ទ ដារ៉ូដែលជាតួអង្គសំខាន់ក្នុងខ្សែភាពយន្តនេះបានបញ្ជាក់ថា លោករីករាយដែលខ្សែភាពយន្តសហការផលិតរវាងកម្ពុជានិងហ្វីលីពីនបានសម្រេចជាផ្លែផ្កាជាមួយនឹងគុណភាពខ្ពស់។
លោកបញ្ជាក់ដែរថា ការសម្តែងជាមួយនឹងអ្នកដឹកនាំរឿងជនជាតិកាណាដានេះបានផ្តល់ឲ្យលោកនូវសមិទ្ធផលមួយធំថ្មីបន្ថែមទៀតសម្រាប់រូបលោក។ លោក Mikael Daez និងកញ្ញា Andrea Torresបានថ្លែងដូចគ្នាអំពីបទពិសោធន៍ថ្មីដ៏ល្អសម្រាប់ការសម្តែងរួមជាមួយសិល្បករកម្ពុជា ហើយលោកបានថ្លែងអំណរគុណចំពោះអ្នកគាំទ្រពួកគេនៅកម្ពុជា ហើយពួកគេរំពឹងថា នឹងមានកិច្ចសហការថតខ្សែភាពយន្តថ្មីបន្តទៀតបន្ទាប់ពីខ្សែភាពយន្តនេះ៕
សម្ពោធរឿង "សង្គ្រាមបងប្អូន" ចាក់បញ្ចាំងនៅគ្រប់រោងទំនើបនៅថ្ងៃទី៩ខែសីហា (Video)
![](https://www.pinterest.com/pin/create/button/?url=https://cambodia-breaking-news.blogspot.com/2015/08/video.html&media=https://blogger.googleusercontent.com/img/b/R29vZ2xl/AVvXsEiS1_kO-7yadC191pUG9Vnt-GMbQnUVplQyNhoooG8_tYWVTJkv1aMwfr8DIpy8iBxMixD0AwvfUwmTht3YaLC_FwLP2OSFOL2XosYI76ZG7ATNYF-ibVchFFZXDNiROcNauKUmZxZ-JkHd/s1600/T-08-10-15-z13-full.jpg&description=សម្ពោធរឿង "សង្គ្រាមបងប្អូន" ចាក់បញ្ចាំងនៅគ្រប់រោងទំនើបនៅថ្ងៃទី៩ខែសីហា (Video)){kind=link}
0 Comments