ក្រសួងសុខាភិបាលនៃរដ្ឋកាលីហ្វ័រនីញ៉ា និងឧទ្យានជាតិ បានប្រកាសកាលពីថ្ងៃព្រហស្បតិ៍កន្លងទៅនេះថា កុមារម្នាក់ដែលបានមកកម្សាន្ដនៅក្បែរព្រៃរុក្ខជាតិ Stanislaus National Forest ហើយបានបោះជំរំនៅឯ Yosemite’s Crane Flat Campground កាលពីពាក់កណ្ដាលខែកក្កដា នោះ បានឆ្លងជំងឺប៉ែស្ដទៅហើយ។ កុមារនោះត្រូវបានគេរកឃើញពីករណីកើតជំងឺ ហើយសមាជិកផ្សេងដទៃទៀត ដែលទៅសម្រាកកម្សាន្ដបោះជំរំនោះ បានរាយការណ៍ថា ពុំមានរោគសញ្ញាអ្វីដែលពាក់ព័ន្ធទៅនឹងជំងឺបែបនេះទេ។
អាជ្ញាធរនៅតែបង្កើនការណែនាំ ក៏ដូចជាការព្រមានដល់ក្រុមមនុស្សផ្សេងៗទៀត ឲ្យមានការប្រុងប្រយ័ត្ននឹងជំងឺដែលចម្លងដោយសត្វចៃនេះ។
មានករណីបាត់បង់ជីវិតដោយសារតែជំងឺប៉ែស្ដដល់ទៅ២ករណីហើយនាឆ្នាំនេះ នៅរដ្ឋ Colorado
វីរុសមរណៈដែលងាយនឹងចម្លងដោយសក្ដានុពល មិនមែនជារឿងថ្មីនោះទេ សម្រាប់ឧទ្យាន Yosemite ដែលជាទីកន្លែងសម្រាប់មនុស្សផងទាំងឡាយ ទៅសម្រាកកម្សាន្ដជាប្រចាំឆ្នាំ ក្នុង
ការដើរលេង ទស្សនាទេសភាព ការងូតទឹកដ៏ ត្រជាក់ និងទៅកម្សាន្ដនៅក្នុងព្រៃស្រោងនោះ។
កាលពីឆ្នាំ២០១២ មានអ្នកទៅកម្សាន្ដនៅក្នុងឧទ្យាននោះបានស្លាប់ បន្ទាប់ពីឆ្លងវីរុសម្យ៉ាងហៅថា hantavirus។ ដោយឡែកជំងឺប៉ែស្ដកម្រកើតមានណាស់ មិនមែនតែនៅក្នុងឧទ្យានជាតិ Yosemite ប៉ុណ្ណោះទេ គឺទូទាំងសហរដ្ឋអាមេរិក។
ជំងឺនេះបានសម្លាប់មនុស្សអស់ដល់ទៅរាប់លាននាក់ កាលពីប៉ុន្មានសតវត្សរ៍កន្លងទៅ ពេលដែលវាជាប្រភេទជំងឺដែលអាចព្យាបាលបានដោយឱសថវេជ្ជសាស្ដ្រសម័យទំនើប ដូចជាប្រភេទថ្នាំផ្សះអង់ទីប៊ីយ៉ូទិក និងឱសថប្រឆាំងនឹងវីរុស-មីក្រូប (anti-microbial) ហើយជំងឺនេះវាក៏មិនបាត់បង់អស់នោះដែរ៕
Reuters
កុមារដែលទៅលេងនៅឧទ្យាន Yosemite National Park ធ្លាក់ខ្លួនឈឺ ដោយសារជំងឺប៉ែស្ដ
0 Comments