នាយកដ្ឋានការបោះឆ្នោត (ELD) បាននិយាយថា រយៈពេលនៃយុទ្ធនាការឃោសនាបោះឆ្នោតដោយស្ងៀមស្ងាត់២៤ម៉ោងសម្រាប់ការបោះឆ្នោតឆ្នាំ ២០១៥គឺមានប្រសិទ្ធភាពហើយនៅថ្ងៃព្រហស្បតិ៍ (ថ្ងៃ១០ខែកញ្ញា)។ ដោយស្គាល់ថា ជាថ្ងៃ Cooling-off, រយៈពេលនេះគឺអនុញ្ញាតឲ្យអ្នកបោះឆ្នោតដើម្បីឆ្លុះបញ្ចាំងពីរបបស្ដីពីបញ្ហានានាដែលបានលើកឡើងនៅក្នុងការបោះឆ្នោតមុនពេលទៅបោះឆ្នោត។ថ្ងៃបោះឆ្នោតគឺនៅថ្ងៃសុក្រនេះ។
ELD បាននិយាយក្នុងសេចក្តីថ្លែងការណ៍មួយថា “បេក្ខជននិងអ្នកគាំទ្ររបស់ពួកគេត្រូវបានរំពឹងថា នឹងគោរពយ៉ាងពេញលេញតាមច្បាប់ដែលពាក់ព័ន្ធទាំងអស់នៅថ្ងៃ Cooling-off លើនឹងថ្ងៃបោះឆ្នោតហើយគួរចៀសវាងការប្រព្រឹត្តណាមួយដែលប្រឆាំងនឹងស្មារតីនៅពីក្រោយការហាមឃាត់ប្រឆាំងនឹងការធ្វើយុទ្ធនាការនៅថ្ងៃនេះ”។
វាបានបន្ថែមទៀតថា ដើម្បីជៀសវាងការយល់ច្រឡំណាមួយបេក្ខជនគួរតែជៀសឲ្យឆ្ងាយតាមដែលអាចធ្វើទៅបានពីព្រឹត្តិការណ៍ជាសាធារណៈនៅក្នុងមណ្ឌលរបស់ពួកគេនៅថ្ងៃ Cooling-off និងថ្ងៃបោះឆ្នោត។
ស្ទើរតែគ្មាននរណាម្នាក់គិតថា គណបក្សសកម្មភាពប្រជាជនដែលដឹកនាំដោយលោកនាយករដ្ឋមន្ត្រី Lee Hsien Loong នឹងប្រឈមការចាញ់ឆ្នោតសភានោះទេ។ ប៉ុន្តែមនុស្សជាច្រើនបានយល់ស្របថា ការកាន់អំណាចរបស់លោកកំពុងធ្លាក់ចុះដោយសារកំណើនសេដ្ឋកិច្ចទាបហើយគណបក្សប្រឆាំងកំពុងលើកយកពីបញ្ហាដ៏ក្តៅគគុកនេះដើម្បីឃោសនា។
គណបក្សចំនួនប្រាំបួនកំពុងប្រកួតប្រជែងគ្នាបើប្រៀបធៀបទៅនឹងគណបក្សចំនួនប្រាំពីរនៅឆ្នាំ ២០១១ហើយវាជាលើកដំបូងដែលគណបក្សប្រឆាំងនឹងចូលរួមប្រកួតយកអាសនៈទាំងអស់នៅក្នុងសភាដែលឥឡូវនេះមានចំនួន៨៩អាសនៈ។ ដោយសារតែវប្បធម៌នៃការបោះឆ្នោតក្នុងប្រទេសនេះមិនសូវល្អនោះ វាគឺមានការពិបាកដើម្បីទាយទុកនៃលទ្ធផល។
ជាមួយគ្នានោះ ពលរដ្ឋសិង្ហបុរីជាច្រើនបាននិយាយថា ពួកគេនៅតែមិនមានការពេញចិត្តចំពោះបញ្ហានានាដូចជាគោលនយោបាយដឹកជញ្ជូនសាធារណៈនិងអន្តោប្រវេសន៍បើកចំហដែលបានប៉ះពាល់ដល់គណបក្សកាន់អំណាចក្នុងអំឡុងពេលបោះឆ្នោតឆ្នាំ ២០១១ នៅពេលដែលខ្លួនបានឈ្នះសំឡេងឆ្នោតត្រឹមតែ ៦០,១% ប៉ុណ្ណោះដែលជាកម្រិតទាបបំផុត។
ការបោះឆ្នោតនៅថ្ងៃសុក្រនេះគឺជាការចាំបាច់ដើម្បីបង្ហាញថា តើអ្នកបោះឆ្នោតសិង្ហបុរីបង្វែរការទុកចិត្តរបស់ខ្លួនចំពោះគណបក្សប្រឆាំងវិញឬក៏យ៉ាងណា។ ប៉ុន្តែទោះបីជាយ៉ាងណាក៏ដោយ ចាប់តាំងពីឡើងកាន់អំណាចក្នុងឆ្នាំ២០០៤ លោកនាយករដ្ឋមន្ត្រី Lee នៅតែត្រូវបានគេរំពឹងទុកថា នឹងបន្តធ្វើជានាយករដ្ឋមន្ត្រីទៀតបន្ទាប់ពីការបោះឆ្នោតនេះ៕
CAN
សិង្ហបុរីធ្វើការឃោសនាដោយស្ងៀមស្ងាត់មុនពេលការបោះឆ្នោតនៅថ្ងៃសុក្រនេះ
0 Comments