ភ្នំពេញ ៖ វាមិនមែនជារឿងដ៏គួរឲ្យចម្លែកខ្លាំងណាស់ណាពេកទេ ខណៈដែលកន្លងមក មហាជនក៏ធ្លាប់បានឃើញ និងដឹងស្ទើរគ្រប់គ្នាហើយថា សព្វថ្ងៃសង្កេតឃើញមានយុវវ័យប្រុស-ស្រីរបស់ខ្មែរមួយចំនួនបានជ្រើសយកវិធីសាស្ត្រនៃការសាក់នៅលើដងខ្លួនរបស់ពួកគេ ដើម្បីទាញការចាប់អារម្មណ៍ ឬអាចនិយាយថា គឺជាស្ទីលបែបយុវវ័យទាន់សម័យ…។
ប៉ុន្តែបើងាកមកចាប់អារម្មណ៍ទៅលើតារាសិល្បាកររបស់ខ្មែរវិញ ប្រហែលជាទស្សនិកជនកម្របានដឹង និងឃើញពួកគេបង្ហាញ ឬបញ្ចេញស្នាមសាក់ទាំងនេះណាស់ បើទោះបីជាកន្លងមកគឺមានតារាស្រី-ប្រុសរបស់ខ្មែរមួយចំនួនតូចក្លាហានប្រឈមមុខប្រាប់អំពីអាថ៌កំបាំងស្នាមសាក់នៅលើដួងខ្លួនដូចជា អ្នកនាង ខាត់ សុឃីម ,កញ្ញា ទឹក រដ្ឋា និងតារាសម្តែង សូដា នីតា ជាដើម…។
ដោយឡែក សម្រាប់ថ្ងៃសៅរ៍-អាទិត្យចុងសប្ដាហ៍នេះ កម្ពុជាថ្មីនឹងនាំអារម្មណ៍ទស្សនិកជនអ្នកគាំទ្រ និងស្នេហាវិស័យសិល្បៈទៅមើលភាពខុសគ្នារវាងតារាស្រីវ័យក្មេងចំនួន២ដួង ដែលក្លាហានបញ្ចេញស្នាមសាក់បើកចំហឲ្យបានឃើញក្នុងពេលនេះដែលមាន ១-តារាម៉ូដែលកញ្ញា ទឹម វត្តី ប្អូនស្រីរបស់នាង ទឹម រដ្ឋា កាលពីថ្មីៗនេះគេសង្កេតឃើញនាងបង្ហោះរូបថតលេងស្ទីលប្លែកភ្នែកមួយឲ្យគួរឲ្យចាប់អារម្មណ៍ខ្លាំង គឺនាងបានបង្ហាញស្នាមសាក់រូបផ្កាយនៅលើចំណុចក្បាលពោះមើលឃើញហើយញាក់សាច់។ ស្នាមសាក់របស់នាងដែលមើលឃើញនៅលើក្បាលពោះចំហៀងខាងស្តាំនេះ ត្រូវបានគេយល់ថា ជាចេតនាដែល ទឹម វត្តី ចង់បង្ហាញដល់មហាជនជាសាធារណៈទើបនាងពាក់អាវយឺតខើចខ្លីបែបនេះ។ ២-កញ្ញា បេន នីយ៉ាំង ដែលជាតារាសម្ដែងសិចស៊ីវ័យក្មេងរបស់ខ្មែរមានសម្រស់ស្រស់ស្អាត និងមានប្រជាប្រិយភាព។
កញ្ញា បេន នីយ៉ាំង កាលពីកន្លងទៅក៏បានធ្វើឲ្យមានភាពភ្ញាក់ផ្អើល និងចាប់អារម្មណ៍យ៉ាងខ្លាំងរហូតធ្វើឲ្យមហាជនអ្នកគាំទ្រ ក៏ដូចជាអ្នកនិយមលេងបណ្ដាញសង្គមហ្វេសប៊ុកជាច្រើននាក់បើកភ្នែកយ៉ាងធំៗសម្លឹងមើលស្ទើរជ្រុះគ្រាប់ភ្នែក នៅពេលដែលតារាសម្តែងសិចស៊ីនាង បេន នីយ៉ាំង បានរំលេចបញ្ចេញសាច់.ស ខ្ចី ព្រមជាមួយរូបសាក់នៅត្រង់កញ្ចូញគូថយ៉ាងស្រើបស្រាល។
តាមរយៈការបង្ហាញស្នាមសាក់របស់កំពូលតារាសិចស៊ីវ័យក្មេងទាំងពីរដួងខាងលើនេះ ក៏មានប្រុសៗកំហិលខ្លះលាន់មាត់ថា រូបសាក់នៅនឹងកញ្ចូញគូថរបស់កញ្ញា បេន នីយ៉ាង និងរូបសាក់នៅលើក្បាលពោះកញ្ញា ទឹម វត្តី គឺពិតជាមានន័យមែន ដែលចង់មើលហើយមើលទៀតមិនឆ្អែតឆ្អន់ឡើយ។ ដូច្នេះចំពោះប្រិយមិត្តអ្នកអានវិញតើយល់ឃើញយ៉ាងណាដែរ ?៕
តោះមើលភាពខុសគ្នារវាងតារាស្រី២ដួងបង្ហាញស្នាមសាក់លើដងខ្លួន
0 Comments