ទីផ្សារដ៏សម្បើមរបស់ប្រទេសចិន សម្រាប់ការផ្គត់ផ្គង់ជីវជាតិ និងគ្រឿងបំប៉នបន្ថែម កំពុងតែប្រឈមជាមួយការប្រកួតប្រណាំងពីឱសថព្យាបាលពីដើម ginseng ដល់ទៅស្នែងប្រើស ក្ដាន់ រមាំង គឺជាផ្នែកនៃការកើនឡើងចំណូលរាប់ពាន់លានដុល្លារ។
ទីផ្សារសម្រាប់ការផ្គត់ផ្គង់ជីវជាតិបានកើនឡើងដល់ទៅ៥ភាគរយរៀងរាល់ឆ្នាំ អាចកើនឡើងដល់២០កោដិដុល្លារនៅឆ្នាំ២០១៩ គឺកើនឡើងពាក់កណ្ដាល បើគិតចាប់ពីឆ្នាំ២០០៩មក។ ទីផ្សារនេះក៏កំពុងតែគ្របដណ្ដប់លើសលប់ដោយធុរកិច្ចឱសថបុរាណ ដែលអាចកើនឡើងដល់ទៅ៤០កោដិ គឺកំពុងតែកើនឡើងទ្វេដងយ៉ាងឆាប់។
វិស័យឱសថបុរាណរបស់ប្រទេសនេះ ផ្ដល់នូវផលិតផលដែលជាគ្រឿងផ្សំបែបបុរាណមានដូចជា មើម ginseng និងស្រា ដែលបិតពីអង្ករ។
លោកស្រី Jia Chen អនុប្រធាននៃក្រុមហ៊ុន Amway ដែលជាអង្គភាពសិក្សាស្រាវជ្រាវ និងអភិវឌ្ឍនៃប្រទេសចិន បានប្រាប់ទីភ្នាក់ងារព័ត៌មាន Reuters ថា យើងខ្ញុំកំពុងតែព្យាយាមស្វែងយល់ពីបេតិកភណ្ឌបុរាណ ហើយផ្សំជាមួយជីវិតវិទ្យាសាស្ដ្រទំនើប។ កាលពីពេលថ្មីៗនេះ អង្គភាព Amway បានវិនិយោគប្រមាណ១៣លានដុល្លារទៅក្នុងវិស័យស្រាវជ្រាវឱសថបុរាណចិនមួយនៅឯមន្ទីរពិសោធន៍នៅភាគខាងកើតក្រុង Wuxi ប្រទេសចិន។ លោកស្រីបាននិយាយថា ស្ទើរតែចំនួនពាក់កណ្ដាលនៃពលរដ្ឋចិន នៅតែជឿទៅលើវិធីសាស្ដ្រនៃការព្យាបាលដោយឱសថបុរាណ និងនៅតែទៅរកគ្រូពេទ្យបុរាណឬ ក៏មន្ទីរពេទ្យ ដើម្បីធ្វើការព្យាបាល។ នេះជាវិធីមួយនៃ ជីវិត ហើយដែលតែងតែឆ្លងពីជំនាន់មួយទៅជំនាន់មួយទៀត៕
Reuters
គីង្គក់ក្រៀម និងស្បែកពស់ក្រៀម ៖ ប្រភេទថ្នាំត្រជាក់នៃឱសថបុរាណចិន
0 Comments