ភ្នំពេញ ៖ បន្ទាប់ពីមានវត្តមាននៅលើទីផ្សារកម្ពុជារយៈពេល៦សប្ដាហ៍ mJams Pleng បានឈានមុខជាកម្មវិធីស្ទ្រីមចំរៀងនាំមុខលំដាប់លេខ១នៅប្រទេសកម្ពុជាជាមួយនឹងចំនួននៃការដំឡើងសរុបដល់ទៅ ៤៨,៥៦៧ ចេញពី Google Play Store។
លោក Adrian Burton ដែលជាអគ្គនាយកប្រតិបត្តិកម្មវិធីស្ទ្រីមតន្ត្រីនេះបានឲ្យដឹងថា ដើម្បីទទួលបាននូវតួលេខទាំងនេះវាទាមទារនូវការខិតខំប្រឹងប្រែងពីគ្រប់មជ្ឈដ្ឋានជុំវិញ រហូតមកដល់សព្វថ្ងៃនេះ mJmas Pleng មានអ្នកចុះឈ្មោះដល់ទៅ៤៨០០០នាក់ដើម្បីទាញយកកម្មវិធីស្មាតហ្វូនដ៏ទាក់ទាញមួយនេះមកប្រើប្រាស់ ដែលមានការស្ទ្រីមចំរៀងច្រើនជាង២២០០០០បទ រួមបញ្ចូលទាំងបទចំរៀងជាតិនិងអន្តរជាតិច្រើនជាង១១០០០០។ គេហទំព័រក្នុង Google play store របស់កម្មវិធីនេះត្រូវបានតាមដានច្រើនជាង២១០០០០០ដង ដែលគណនាទិន្នន័យប្រើប្រាស់សរុបប្រហែល១៩៥០០០MB ដែលនេះគ្រាន់តែជាទិន្នន័យប្រព័ន្ធAndroid តែប៉ុណ្ណោះ!
លោកBurton បន្ថែមថា mJams Pleng នឹងត្រូវដាក់ឲ្យប្រើប្រាស់នាសប្ដាហ៍ខាងមុខលើប្រព័ន្ធ Apple IOS។ យើងមានភាពជឿជាក់ថា ចាប់ពីថ្ងៃទី៣០ ខែកញ្ញា ឆ្នាំ២០១៥ mJams Pleng នឹងទទួលបានការដំឡើងទៅដល់១០០០០០ ដែលបញ្ចូលទាំងអ្នកប្រើប្រាស់ប្រព័ន្ធ IOS & Android ។
ភាពជោគជ័យនៃការដាក់ឲ្យប្រើប្រាស់កម្មវិធី mJams Pleng នៅប្រទេសកម្ពុជា គឺបង្កើតឡើងនៅឱកាសក្នុងការរកចំនូលពីជុំវិញពិភពលោក។ mJams Pleng ទើបតែចុះកិច្ចព្រមព្រៀងក្នុងការដាក់ឲ្យដំណើរការនៅប្រទេសនេប៉ាល់ ជាមួយនឹងការអភិវឌ្ឍន៍ដាក់ឲ្យប្រើប្រាស់ជាមួយប្រទេសបង់ក្លាដេស មីយ៉ាន់ម៉ា និងកោះប៉ាស៊ីហ្វិកខាងត្បូង ដែលប្រើប្រាស់គំរូអាជីវកម្មដូចគ្នាទៅនឹងប្រទេសកម្ពុជានេះ យើងនឹងចាប់ដៃគូរសហការជាមួយអ្នកផលិតចម្រៀងក្នុងស្រុកក្នុងប្រទេសទាំងនោះ។ការចុះកិច្ចព្រមព្រៀងកម្មសិទ្ធស្របច្បាប់នឹងក្រុមហ៊ុន Sony & Warner Music យើងនឹងនាំលោកអ្នកជូនជាមួយនឹងទីផ្សារដែលសម្បូរទៅដោយបទពិសោធន៍នៃតន្ត្រី ដូចដែលយើងធ្វើឡើងសម្រាប់ប្រទេសកម្ពុជា។
mJams Pleng ប្រមូលផ្ដុំទៅដោយតារា និងក្រុមតន្ត្រីអន្តរជាតិល្បីៗរួមមាន Bruno Mars ,Ed Sheeran, One Direction និង Byonce និងតារាក្នុងស្រុករួមមាន សុគន្ធនីសា ខេម និងរ៉ាយុ ក៏មាននៅក្នុង mJams Pleng ដែរ។ មុខងារសំខាន់ថ្មីៗនិងមានចេញផ្សាយក្នុងពេលខាងមុខនេះ វាក៏មានដាក់ឲ្យស្ទ្រីមនៅលើកម្មវិធី mJams Pleng ដូចគ្នានឹងថ្ងៃដែលបទចម្រៀងចេញថ្មី ដោយក្រុមហ៊ុនចម្រៀងទាំងនោះផងដែរ។ លោក Burton មានប្រសាសន៍ថា ថ្មីៗនេះ ក្នុងប្រទេសកម្ពុជា តន្ត្រីអន្តជាតិដែលពេញនិយមបានដាក់ឲ្យចេញពី៣ខែទៅ៦ខែ ក្រោយពីបទចម្រៀងនេះបានដាក់លក់នៅក្នុងទីផ្សារ លោក Burton បានបន្តថា ហើយ mJams នឹងនាំយកមកនូវតន្ត្រីថ្មីៗបទចម្រៀងពេញនិយមមកប្រទេសកម្ពុជា។
តើអ្នកជាអ្នកផលិតតន្ត្រីនិងចង់ឲ្យតន្ត្រីរបស់អ្នកត្រូវបានចែករំលែកដល់អ្នកគាំទ្រតន្ត្រីក្នុងប្រទេសកម្ពុជានិងជុំវិញពិភពលោកទេ? អ្នកត្រូវបានអញ្ជើញក្នុងការដាក់បញ្ចូលតន្ត្រីរបស់អ្នកតាមរយៈ artist@mjamsmusic.com ហើយក្រុមការងាររបស់យើងនឹងធ្វើការទំនាក់ទំនងទៅអ្នក៕
mJmas Plengឈានមុខជាកម្មវិធីស្ទ្រីមចំរៀងនាំមុខលំដាប់លេខ១នៅប្រទេសកម្ពុជា
0 Comments